Паёми Сарвари давлат баҳри дастгирӣ ва рушди соҳибкории ватанӣ

Дар ташкилотҳои ибтидоии ҳизбии «Ҷамъияти матлубот», «Тоҷиктелеком» ва «Обу коррезӣ»-и ноҳияи Ғончӣ баҳри фаҳмонда додани нуқтаҳои асосии Паёми Сарвари давлат ба Маҷлиси Олии Ҷумҳурии Тоҷикистон вохӯрии фаъолони ташкилотҳои мазкур баргузор гардид.

Бо вуҷуди он ки ҳамагон аз Паёми Пешвои миллат тариқи оинаи нилгун бархурдор гардида буданд, дар доираи ҳаммаслакон вале ҳангоми баррасии самтҳои хоссаи Паём, муҳите фароҳам омад, ки он боиси мушаххасгардии вазифаҳои минбаъдаи фаъолони соҳаи матлубот, хизматрасонӣ ва коммуникатсия гардид.

Дар ин бобат раиси ТИҲ «Ҷамъияти матлубот»-и ноҳия Ҳамроқул Қӯлдошев ба самъи ҳозирин расонид, ки соҳибкорони мо бояд ба бунёди корхонаҳои муҷаҳҳаз бо технологияҳои муосир оид ба коркарди меваю сабзавот ва истеҳсоли маҳсулоти ниҳоӣ, зиёд намудани масоҳати гармхонаҳо, марказҳои логистикӣ, инчунин сардхонаҳои ҳозиразамон барои нигоҳдории меваю сабзавот таваҷҷӯҳ зоҳир намоянд, зеро ин яке самтҳои рушди соҳибкорӣ буда, моро барои расидан ба ҳадафи стратегии кишвар наздик месозад.

Доир ба ҳадафҳои роҳбарият ва масъулини давлат ҷиҳати таъмин намудани пешрафти соҳаҳои илму маориф бо ҷорӣ намудан ва васеъ гардонидани доираи истифодаи технологияҳои иттилоотиву коммуникатсионӣ, аз ҷумла шабакаи интернет дар низоми таҳсилот, роҳбари ТИҲ «Тоҷиктелеком» Усмонҷон Норқулов ба сухан баромада, инчунин қайд кард, ки дар шароити кунунӣ Тоҷикистон тамоми имкониятҳоро барои истифодаи технологияҳои муосири иттилоотию коммуникатсионӣ муҳайё намудааст, ки фаъолият бурдани даҳҳо операторону провайдерони алоқа худ гувоҳи амалишавии чунин сиёсат аст.
©Кумитаи иҷроияи ҲХДТ дар н.Ғончӣ