Лукашенко муносибати Маскавро нисбати Минск «таҳрим» гуфт

Президенти Белорусия Александр Лукашенко манъ кардани воридоти як қатор маҳсулоти Белорусия ба Русияро таҳрими иқтисодӣ мегўяд.
«Ман ҳар рӯз дар бораи зиёд гардидани таҳрим нисбати Беларусия аз тарафи шарикони асосии тиҷоратӣ (онҳо худро шарики «тиҷоратӣ» гуфтанро дӯст медоранд) хабарҳои зиёдро мехонам ва мешунавам. Худашон дар таҳрим қарор доранд ва онро маҳкум низ мекунанд, дар ин маврид ман онҳоро тамоман дастгирӣ мекунам. Аммо дар айни замон боз бо чунин «яроқ» бар муқобили иттифоқчиёни наздики худ мубориза мебаранд»- меорад БЕЛТА (Агентии телеграфии Белорус) аз қавли Лукашенко.
Ба гуфтаи Лукашенко, шарикони русиягӣ бозори маҳсулоти Белорусияро мебанданд.
«Гоҳ ин муассисаро мебанданд гоҳ дигарашро. Баъдан ё сабзӣ, ё салат ва ё ҳатто бодиринг низ ба онҳо мақул нашуд. Ё шубҳае дар мавриди расондани маҳсулот пайдо гардида, ҳар рӯз бастани муассисаҳои мо сарукор мегиранд»,-мегӯяд президени Белорусия.
Ахиран маълум гардид, ки Хадамоти федерали иназорати байторӣ ва фитосанитарии Русия 12 апрел дар бораи воридоти себ ва нок аз Белорусия ба кишвараш муваққатан маҳдуд мекунад. Пештар, идораи назорати маҳсулоти кишоварзии Русия воридоти себи туркиро ба кишвараш тавассути Беларусия манъ карда буд.
Њамчунин 5 апрел маълум гардид, ки Белорусия низ гарон кардани тарифи интиқоли нафти «Транснефти» Русияро пешниҳод кардаст.