Идатон муборак бошад!

Зан-модар гули бишкуфтабаҳори зиндагонист. Модар фариштаи меҳру муҳаббати ҷовидонӣ аст, ки аз гул хушбутар, аз моҳ нозанинтар, аз кӯҳ устувортар, аз офтоб пурнуртар, дилаш аз оби чашмагон софтар асту оғӯшаш дунёи розу ниёзи беканор аст.
Бо таъкиди Асосгузори сулҳу ваҳдати миллӣ – Певои миллат, Президенти Ҷумҳурии Тоҷикистон, Раиси муаззами Ҳизби Халқии Демократии Тоҷикистон, Ҷаноби Олӣ, муҳтарам Эмомалӣ Раҳмон “Саодатмандиву сарбаландии занону модарони тоҷик ва аҳли хонадони онҳо дар маҷмӯъ омили муҳими пешрафту ободии Ватани маҳбубамон – Тоҷикистони соҳибистиқлол мебошад. Тамоми ҷомеаи мо бояд як нуктаро дарк намояд, ки ҳар як модар шоистаи таҳсин, сазовори ситоиш, арзандаи эҳтиром ва арҷ гузоштан аст”.
Оре, модарон сазовори обу рӯ ва эҳтироми хоса ҳастанд. Модарону хохарони мо, худ баҳореро мемонанд ва маҳз ҳамин пайвандгариашон бо фасли баҳор аст, ки бо ин айёми гулбези табиат идашон тавъам омада...
Дар тинати шумо модарон покии дунё, дар нигоҳатон шарори гармии дидаафзо ва дар ниҳодатон садоқати беинтиҳо маҳфуз аст. Аз ҳусну ҷамолатон дидаҳо медурахшанд, дилҳо ба хуруш меоянд, шоирон шеър мегӯянд ва нигоҳҳо ба ҳам лағжида садоқату муҳаббатро эҳдо мекунанд…
Мусаллам аст, ки танҳо самимият ва меҳри шумо бонувон дунёро аз нестшави эмин нигоҳ медорад. Агар бо дидаи ибрат гулистони адабиётро ташхис диҳем, гулҳои меҳру ишқи шумо бонувон зеббахши он аст...

Идатон муборак бошад, бонувон ва модарони азиз!!!