DataLife Engine > Чахон > Саули Ниинистё дар интихоботи президентии Финландия ғолиб омад

Саули Ниинистё дар интихоботи президентии Финландия ғолиб омад


29-01-2018, 05:07. Разместил: orifi Саули Ниинистё дар интихоботи президентии Финландия ғолиб омад

ДУШАНБЕ, 29.01.2018 /АМИТ «Ховар»/. Президенти кунунии Финландия Саули Ниинистё дар интихоботи президентӣ баъд аз ҳисоби 100%-и овозҳо ғолибият ба даст овард. Чунин натиҷаҳоро рӯзи якшанбе Вазорати адлияи ин кишвар эълон намуд.

Тавре агентии ТАСС бо истинод ба Вазорати адлияи Финландия хабар медиҳад, рақибони Саули Ниинистё – номзад аз мухолифин «Иттиҳоди сабзҳо» Пекка Хаависто 12,4% овоз, номзад аз «Финландиҳои воқеӣ» Лаура Хухтасаарӣ 6,9% овоз, номзад аз ҳаракати интихобкунандагон Пааво Вяюрюнен 6,2% овоз, номзад аз ҳизби «Маркази финландӣ» Маттӣ Ванханен 4,1% овоз, номзад аз сотсиал-демократҳо Туула Хаатайнен 3,3% овоз, номзад аз «Иттиҳоди чап» Меря Кюлленен 3% овоз ва аз Ҳизби халқии шведӣ Нилс Торвалдс 1,5% овоз гирифтанд.

Натиҷаҳои ниҳоии тасдиқшудаи интихобот 30 январ нашр карда мешаванд. Маросими савгандёдкунии президенти нави Финландия рӯзи 1 феврал баргузор мегардад.
Вернуться назад