Бақайдгирӣ Ворид
Ворид ба сомона
tj
» » » Мулоқот бо доираи соҳибкории Штатҳои Муттаҳидаи Америка

Мулоқот бо доираи соҳибкории Штатҳои Муттаҳидаи Америка

22-09-2017, 08:54
Хабарро хонданд: 183 нафар
Назарҳо: 0
Мулоқот бо доираи соҳибкории Штатҳои Муттаҳидаи Америка
21.09.2017 17:51, Иёлоти Муттаҳидаи Амрико


Дар доираи иштирок дар чорабиниҳои сатҳи баланди Созмони Милали Муттаҳид дар шаҳри Ню-Йорк Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо истифода аз имкони мусоид бо доираи соҳибкории Штатҳои Муттаҳидаи Америка мулоқот намуданд.

Чорабинӣ бо сухани муқаддимавии раиси Шӯрои соҳибкорони Ҷумҳурии Тоҷикистон ва Штатҳои Муттаҳидаи Америка Филлип Де Леон оғоз гардид.

Сипас дар ҳузури ҷамъомадагон Ноиби Президент - Мудири иҷроияи ширкати “Ҷенерал Электрик”-и Амрико дар Иттиҳоди Давлатҳои Мустақил Роналд Поллетт баромад намуда, ба Сарвари давлат муҳтарам Эмомалӣ Раҳмон барои дарёфти фурсат ва иштирок дар ин чорабинӣ изҳори миннатдорӣ баён доштанд.

Роналд Поллетт, аз ҷумла, изҳор доштанд, ки Тоҷикистон шарики боэътимод ба ҳисоб меравад ва ин давлат ба қатори даҳгонаи кишварҳои дорои иқтидори бузурги гидроэнергетикӣ шомил мебошад. Аз ин хотир, мо ҳамчун ширкати дорои имкониятҳои бузурги технологӣ дар соҳаи гидроэнергетика ҳавасманди истифодаи бештари ин технология дар соҳаи гидроэнергетикаи Тоҷикистон ҳастем.

Дар кори ҳамоиши соҳибкорон Президенти Ҷумҳурии Тоҷикистон муҳтарам Эмомалӣ Раҳмон сухан карданд.

Манфиатдории ҷониби Тоҷикистонро аз рушди равобити ҳасанаю ҳамаҷониба бо Штатҳои Муттаҳидаи Америка таъкид карда, Сарвари давлат муҳтарам Эмомалӣ Раҳмон вохӯрии имрӯзаро васоити хуби тавсеабахши ҳамкориҳои иқтисодию тиҷоратии байнидавлатӣ арзёбӣ намуданд.

Бо ёдоварӣ аз заминаҳои ҳуқуқию қарордодии муносибатҳои байнидавлатии Ҷумҳурии Тоҷикистон ва Штатҳои Муттаҳидаи Америка, ки зиёда аз 30 санадро дар бар мегирад, Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар мулоқот таваҷҷуҳи доираи соҳибкорону тоҷирони Америкаро барои маблағгузорӣ ва ҷалби сармояи мустақим ба соҳаҳои иқтисоду тиҷорати Тоҷикистон, саноат, кишоварзӣ, инфрасохтори роҳу нақлиёт ва энергетикӣ, алоқа, сохтмон, технологияҳои нав ва сайёҳӣ ҷалб намуданд

Тавре таъкид гардид, Ҳукумати Тоҷикистон ҷиҳати боз ҳам беҳтар шудани фазои сармоягузорӣ ва соҳибкорӣ пайваста чораҳои зарурӣ андешида, дар ин замина, қонунгузории мамлакатро дар самти тиҷорату иқтисод ба меъёрҳои байналмилалӣ созгор намудааст, ки кафолатҳои ҳимояи сармоягузоронро низ таъмин менамояд.

Дар ҳамин замина болоравии мавқеи байналмилалии Тоҷикистон аз лиҳози бақайдгирии бизнес, андозбандӣ, дастрасӣ ба қарзҳо ва тиҷорати ҷаҳонӣ таъкид карда шуда, ба таври мисол дар рейтинги “Пешбурди Бизнес”-и Бонки ҷаҳонӣ се маротиба ба даҳгонаи кишварҳои пешсафи ислоҳотгар шомил гардидани Тоҷикистон, беҳтар шудани мавқеи давлат дар байни 136 кишвар, ба қатори кишварҳои соҳаи сайёҳиаш дар ҳоли рушд қарордошта ва даҳ кишвари ҷолиб барои сайёҳон ворид шудани Тоҷикистон қайд гардид.

Дар мулоқот барои рушди робитаҳои манфиатбори дуҷониба аз доираи соҳибкорону тоҷирони Штатҳои Муттаҳидаи Америка даъват ба амал оварда шуд, ки ҷиҳати ворид шудан ба иқтисоди кишвари рӯ ба тараққии мо қадамҳои устувор гузошта, дар раванди рушду тавсеаи боз ҳам бештару беҳтари ҳамкориҳои иқтисодиву тиҷоратии Тоҷикистону Америка саҳмгузор бошанд.

Дар анҷоми чорабинӣ Раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Файзиддин Қаҳҳорзода бо маърӯзаи мукаммал имтиёзҳо ва имкониятҳои иқтисодию сармоягузории Тоҷикистонро ба ҳозирин муаррифӣ намуданд.
Мақоми мавод:
  
Чоп
Хонандаи азиз, ба сомона Шумо ҳамчун истифодабарандаи қайднагардида ворид гардидед. Аз ин рӯ, барои пайдо намудани имкониятҳои бештари сомона ба Шумо тавсия медиҳем, ки худро ба қайд гиред ва ё бо номи қайдшудаи худ вориди сомона гардед.
Назари худро гузоред
Номи Шумо: *
E-mail: *
Матни назар:
Полужирный Наклонный текст Подчеркнутый текст Зачеркнутый текст | Выравнивание по левому краю По центру Выравнивание по правому краю | Вставка смайликов Вставка ссылкиВставка защищенной ссылки Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Рамз: Включите эту картинку для отображения кода безопасности
Агар рамз ноаён бошад, он гоҳ пахш намоед
Рамзро ворид кунед: