Танзим – кафолати рушди арзанда

Рӯзи 13 сентябри соли ҷорӣ вохӯрии гурӯҳи таблиғотии намояндагони Ҳукумати Ҷумҳурии Тоҷикистон, вилояти Хатлон, мақомоти иҷроияи ҳокимияти давлатии шаҳри Норак дар якҷоягӣ бо ситодҳои доими амалкунандаи Кумитаи иҷроияи ҳизби шаҳрӣ, намояндагони мақомотҳои ҳифзи ҳуқуқ, намояндагони бахши ҶҶ «Созандагони Ватан» ва раисони ташкилотҳои ибтидоии ҳизбӣ ҷиҳати шарҳи тағйиру иловаҳо ба Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» доир карда шуд.

Аз ҷумла, чунин вохӯрӣ бо кормандони фаъоли ташкилотҳои ибтидоии «Нурофарон» ва «Нурафшон» баргузор гардид. Мулоқот бо сухани ифтитоҳии раиси Кумитаи иҷроияи Ҳизби Халқии Демократии Тоҷикистон дар шаҳр – Қумриниссо Гулмуродзода оғоз гардида, сипас масъулон оид ба тағйиру иловаҳо ба Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» ибрози назар намуданд.
Ишора гардид, ки нақши Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» дар раванди паст кардани сатҳи камбизоатӣ айни мудаост.
Дар интиҳо сокинони шаҳр ҷонибдории хешро аз тағйиру иловаҳо ба қонуни миллӣ иброз дошта, зикр доштанд, ки саҳми хешро дар татбиқи муваффақонаи ин санади муҳим хоҳанд гузошт.

Дар оҳир раисони ташкилотҳои ибтидоии «Нурофарон» ва «Нурафшон»-и шаҳри Норак барои ташрифи меҳмонон аз номи кормандони неругоҳҳои Нораку Бойғози минатдори хешро баён намуда, иброз доштанд, ки риояи қонуни мазкурро ба ҷо меоранд.


Мудири шуъбаи таблиғотӣ КИШ С.Зоиров