Ҷавонон қувваи пешбарандаи ҷомеа

АШТ. Тибқи нақша чорабинӣ дар беморхонаи марказии ноҳия воаста ба эълон гардидани Соли 2017 — Соли ҷавонон вохӯрӣ бо кормандони ҷавони муассиса доир гардид.
Аз ҷониби асосгузори сулҳу Ваҳдати миллӣ, Пешвои миллат мӯҳтарам Эмомалӣ Раҳмон гардидани эълон шудани Соли 2017-Соли ҷавонон ин таваҷҷӯҳ ва ғамхории навбатии сарвари давлат нисбати ин қишри пешбарандаи ҷомеа маҳсуб меёбад, зеро ҷавонон пешбарандаи ҷомеаи навини мо мебошанд.
Ҷавонони имрӯзаи мо насли замони истиқлол аз наслҳои пешин бо савияи илму дониш, маърифату ҷаҳонбинӣ, одобу ахлоқи ҳамида фарқи куллӣ доранд – зикр намуд зимни мулоқот мудири шуъбаи ташкилӣ ва омори Кумитаи иҷроияи ноҳиявӣ Абдураҳмонов Шоирҷон.
Сархамшираи беморхона Мирзоева Матлуба миннатдории худро ба Асосгузори сулҳу ваҳдати миллӣ — Пешвои миллат мӯҳтарам Эмомалӣ Раҳмон иброз намуда, изҳори боварӣ намуд, ки дар оянда бо маҳорату малакаи баланди касбӣ кор ва фаъолият менамоянд.

Сардухтури беморхонаи марказии ноҳиявӣ, раиси ташкилоти ибтидоии беморхонаи марказӣ Ҳомидҷонов Ҷонибек кайд намуд, ки 70% кормандони муассисаро ҷавонон ташкил медиҳанд, ки дар баргузории тамоми чорабиниҳо саҳми онҳо назаррас мебошад. Минбаъд низ кӯшиш ба харҷ медиҳем, ки барои тарғибу ташвиқи сиёсати Ҳукумати Ҷумҳурӣ ва ҲХДТ кӯшиш ба харҷ диҳем.