DataLife Engine > Президент > Сӯҳбати телефонӣ бо Президенти тозаинтихоби Ҷумҳурии Ӯзбекистон Шавкат Мирзиёев

Сӯҳбати телефонӣ бо Президенти тозаинтихоби Ҷумҳурии Ӯзбекистон Шавкат Мирзиёев


7-12-2016, 10:03. Разместил: orifi Сӯҳбати телефонӣ бо Президенти тозаинтихоби Ҷумҳурии Ӯзбекистон Шавкат Мирзиёев
05.12.2016 16:36, шаҳри Душанбе
Имрӯз Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон Эмомалӣ Раҳмон бо Президенти тозаинтихоби Ҷумҳурии Ӯзбекистон Шавкат Мирзиёев сӯҳбати телефонӣ анҷом доданд.

Роҳбари давлати мо Шавкат Мирзиёевро ба муносибати интихоб гардиданаш ба мансаби воломақоми Президенти Ҷумҳурии Ӯзбекистон самимона табрик гуфта, ба манзури ривоҷу равнақи Ӯзбекистони дӯст дар фаъолияти минбаъдаи давлатиашон дастовардҳои нав ба нав орзу намуданд.

Дар ҷараёни сӯҳбат ҷонибҳо масъалаҳои ҳамкориҳои дуҷонибаи Тоҷикистону Ӯзбекистонро мавриди гуфтугӯ қарор дода, дурнамои рушди онҳоро дар рӯҳияи анъанаҳои созандаи мероси таърихии муносибатҳои чандинасраи неки ҳамҷавории мардумони ду кишвар баррасӣ намуданд.

Сӯҳбат дар фазои самимият, дӯстӣ ва ҳусни тафоҳум сурат гирифт.
Вернуться назад