Ҷаласаи ситоди ноҳиявии Обуна – 2017

Дар ноҳияи Мастчоҳ ба масълаи обуна ба рӯзномаҳои ҳизбӣ барои соли 2017 корҳо оғоз гардида, ситоди ноҳиявии «Обуна - 2017» таъсис ёфт. Зимни нахустҷаласаи он раиси ситод Зокиров Д. М. таъкид кард, ки тамоми дастурҳои мақомоти болоии ҳизбӣ ва фаъолияти ҳизбиёни ҷумҳуриву вилоят асосан дар нашрияҳои «Минбари халқ» ва «Сухани халқ» инъикос меёбад, ки барои бохабар шудан аз онҳо ҳар яке аз аъзои ҳизб бояд ба ин рӯзномаҳо обуна шавад. Қайд гардид, ки дар мувофиқа бо Раиси ноҳияи Мастчоҳ Азиззода Ғ. М. меъёри тақсимоти обуна ба «Сухани халқ» ба ташкилотҳои ибтидоии ҳизбӣ ирсол гардида, алакай баъзе аз ташкилоти ибтидоӣ пурра уҳдадории обунаро иҷро кардаанд. Корҳо дар ин самт бомаром идома дошта, то имрӯз дар департаменти Почтаи тоҷик дар ноҳияи Мастчоҳ ба 32 нусха «Сухани халқ» обуна шудаанд.