Дар Мастҷоҳ боз як зеристгоҳи барқӣ бунёд мегардад6-12-2021, 07:51
Хабарро хонданд: 107 нафар
Назарҳо: 0
 Дар Ҷамоати деҳоти Палдораки ноҳияи Мастҷоҳ сохтмони зеристгоҳи барқии 110/35/10 кВт оғоз гардид, иттилоъ медиҳад АМИТ «Ховар» бо истинод ба мақомоти иҷроияи ҳокимияти давлатии ноҳияи Мастчоҳ. Зеристгоҳи барқӣ бо маблағгузории филиали ҶСК шабакаҳои тақсимот ва интиқоли неруи барқи шаҳри Гулистон бо мақсади сабук намудани сарбории зеристгоҳи барқии 3510 ва «Дилварзин-1» бунёд мегардад. Бо сохта шудани зеристгоҳи мазкур дар ин минтақа як трансформатор бо тавоноии 16 кВа ва 4 адад чашмакҳои содиротӣ васлу насб мегарданд. Дар натиҷа бори зеристгоҳи барқии 3510 ва «Дилварзин-1» сабук гашта, сифати шиддат мувофиқи меъёр таъмин мегардад ва талафоти неруи барқ дар ин минтақа аз байн меравад- иттилоъ медиҳад манбаъ. Ёдовар мешавем, ки дар ноҳияи Мастчоҳ 12 адад зеристгоҳҳои барқӣ мавҷуд буда, ҳамасола ба аҳолӣ тавассути онҳо неруи барқ интиқол дода мешавад. |
Ҳамчунин нигаред ба:
Хонандаи азиз, ба сомона Шумо ҳамчун истифодабарандаи қайднагардида ворид гардидед. Аз ин рӯ, барои пайдо намудани имкониятҳои бештари сомона ба Шумо тавсия медиҳем, ки худро ба қайд гиред ва ё бо номи қайдшудаи худ вориди сомона гардед.
[/banner_right-3]
