Репортёри нотакрор2-03-2016, 05:00
Хабарро хонданд: 196 нафар
Назарҳо: 0
Дирӯз бо ташаббуси Шӯрои ВАО дар толори «Шарқи озод» маҳфиле бо номи "Мақсуд Ҳусейн – репортиёр" баргузор шуд. Дар ин маҳфил наздикон, дӯстон, ҳамдарсони Мақсуд Ҳусейн ва журналистон иштирок доштанд. Хуршеди Атовулло, Иброҳим Усмонов, Амал Хонум Гаджиева, Нуриддин Қаршибоев, Раҷаби Мирзо, Нуралӣ Давлат, Сангин Гулов суханронӣ намуда, аз хидматҳои ӯ дар соҳаи журналистика ёдовар шуданд. Ҳамчунин дӯстону наздиконаш аз рӯзгори пешин нақлҳо карданд. Устод Иброҳим Усмонов, Сангин Гулов, Раҷаби Мирзо ӯро репортёри нотакрор номида, аз ҷавонон хоҳиш карданд, ки журналистикаро мисли ӯ дӯст доранд ва саҳмгузор бошанд.
Мақсуд Ҳусейн фаъолияташро дар соҳаи журналистика соли 1970 ҳамчун аккос шурӯъ кардааст. Вай аз соли 1975 то 1991 дар Рӯзномаи "Тоҷикистони советӣ" ва аз соли 1993 то 1996 хабарнигори нашрияи "Садои мардум" буд. Аз соли 1996 то охири умр, яъне 2000 дар нашрияи мустақилли "Чархи гардун" фаъолият дошт. |
Хонандаи азиз, ба сомона Шумо ҳамчун истифодабарандаи қайднагардида ворид гардидед. Аз ин рӯ, барои пайдо намудани имкониятҳои бештари сомона ба Шумо тавсия медиҳем, ки худро ба қайд гиред ва ё бо номи қайдшудаи худ вориди сомона гардед.