Шавкат Мирзиёев Президенти Ҷумҳурии Узбекистон интихоб шуд26-10-2021, 08:06
Хабарро хонданд: 188 нафар
Назарҳо: 0
 Шавкат Мирзиёев барои муҳлати дуюм Президенти Узбекистон интихоб шуд. Ба тарафдории ӯ 80,1%-и интихобкунандагон овоз доданд, иттилоъ дод раиси Комиссияи марказии интихобот Зайниддин Низомхоҷаев Тавре хабарнигори АМИТ «Ховар» Хушнуд Раҳматуллоев аз Узбекистон иттилоъ медиҳад, интихобот дар шароити рақобати воқеӣ миёни номзадҳо ва тибқи меъёрҳои байналмилалӣ сурат гирифт. Тибқи маълумоти пешакӣ, ки Зайниддин Низамхоҷаев эълон намуд, ба ҷонибдории Шавкат Мирзиёев, номзад аз Ҳизби либерал -демократ 80,1%-и интихобкунандагон овоз доданд. Комиссияи марказии интихоботӣ ӯро президенти интихобшуда эълон намуд. Мақсуда Ворисова аз Ҳизби халқӣ-демократӣ 6,6%, Алишер Қодиров аз ҳизби “Миллий тикланиш” 5,5%, Нарзулло Обломуродов аз Ҳизби экологӣ 4,1% ва Баҳром Абдуҳалимов аз Ҳизби сотсиал-демократии “Адолат” 3,4% овоз гирифтанд. «Дар айни замон тамоми бюллетенҳои интихоботӣ ҳисоб карда шудаанд»,-иброз намуд раиси Комиссияи марказии интихоботӣ. Дар интихобот 16212343 нафар ё худ 80,4%-и интихобкунандагони ба қайд гирифташуда (20158907 – маълумоти охирин) иштирок намуданд. Дар овоздиҳии пешакӣ беш аз 421 ҳазор нафар ширкат варзиданд. |
Ҳамчунин нигаред ба:
Хонандаи азиз, ба сомона Шумо ҳамчун истифодабарандаи қайднагардида ворид гардидед. Аз ин рӯ, барои пайдо намудани имкониятҳои бештари сомона ба Шумо тавсия медиҳем, ки худро ба қайд гиред ва ё бо номи қайдшудаи худ вориди сомона гардед.
[/banner_right-3]
