Бақайдгирӣ Ворид
Ворид ба сомона
tj
» » Таъсиси факултети муштараки сайёҳӣ дар ДССХ

Таъсиси факултети муштараки сайёҳӣ дар ДССХ

27-07-2020, 13:41
Хабарро хонданд: 44 нафар
Назарҳо: 0
Таъсиси факултети муштараки сайёҳӣ дар ДССХ
Донишкадаи сайёҳӣ, соҳибкорӣ ва хизмат ба ҳар муаллиме, ки номзадӣ ҳимоя мекунад, 10 ҳазор сомонӣ ва ҳар номзаде, ки рисолаи докториашро ҳимоя мекунад, 20 ҳазор сомонӣ медиҳад. Ин нуктаро Убайдулло Асрорзода ректори донишкадаи мазкур дар нишасти хабарӣ ба рӯзноманигорон изҳор дошт.
Масъалаи муҳими дигаре, ки дар нишасти мазкур диққати рӯзноманигоронро ҷалб намуд, ин ояндаи наздик таъсиси факултети муштараки сайёҳии Донишкадаи сайёҳӣ, соҳибкорӣ ва хизмат ва Донишгоҳи давлатии сайёҳӣ ва хизмати Россия мебошад, ки айни ҳол, лоиҳаи созишнома дар ҳолати баррасӣ қарор дорад.
Инчунин, дар ин давра, иҷрои Лоиҳаи “Рушди таҳсилоти олӣ дар Тоҷикистон”, барномаҳои грантии “Омода намудани кадрҳо бо мақсади рушди устувори сайёҳӣ дар Ҷумҳурии Тоҷикистон” ва “Баланд бардоштани сифати таҳсилот дар асоси истифодаи муҳити иттилоотию таҳсилотии электронӣ дар Донишкада” бо муваффақият идома дода шуд.
Дар доираи барномаи грантии “Омода намудани кадрҳо бо мақсади рушди устувори сайёҳӣ дар Ҷумҳурии Тоҷикистон” дар шашмоҳаи аввали соли 2020 лабораторияҳои “Иттилоотӣ-сайёҳӣ” ва “Сервиси сайёҳӣ-меҳмондорӣ” таъсис дода шуда, бо таҷҳизоти муосири иттиллотӣ ва сайёҳиву меҳмондорӣ ҷиҳозонида шуданд.
Ҳамчунин, барои дарёфти грантҳо тавассути маблағгузории Бонки Осиёии Рушд, Бонки исломии рушд ва Эрасмус + корҳои муайяне сурат гирифта истодаанд. Бо мақсади фароҳам сохтани пойгоҳи мустаҳками таълимӣ-таҷрибаомӯзӣ раёсати Донишкадаи сайёҳӣ, соҳибкорӣ ва хизмат ҷиҳати бунёд ва ҷиҳозонидани Маркази таълимӣ-таҷрибаомӯзии сайёҳӣ ва меҳмондорӣ дар чорчӯбаи лоиҳаи “Тақвияти таҳсилоти касбӣ-техникӣ ва омӯзиш”, ки бо маблағгузории Бонки Осиёии Рушд (БОР) амалӣ шуда истодааст, кӯшиш ба харҷ дода истодаанд. Донишкада дар ин давра, якчанд суҳбату мулоқот бо коршиносони соҳаҳои сайёҳӣ ва меҳмондории кишварҳои хориҷаро ба нақша гирифта буд, вале бо сабаби паҳншавии бемории сироятии коронавирус ин мулоқот тариқи онлайн сурат гирифтанд.
Қурбон АҲМАДЗОД
Мақоми мавод:
  
Чоп
Хонандаи азиз, ба сомона Шумо ҳамчун истифодабарандаи қайднагардида ворид гардидед. Аз ин рӯ, барои пайдо намудани имкониятҳои бештари сомона ба Шумо тавсия медиҳем, ки худро ба қайд гиред ва ё бо номи қайдшудаи худ вориди сомона гардед.
Назари худро гузоред
Номи Шумо: *
E-mail: *
Матни назар:
Полужирный Наклонный текст Подчеркнутый текст Зачеркнутый текст | Выравнивание по левому краю По центру Выравнивание по правому краю | Вставка смайликов Вставка ссылкиВставка защищенной ссылки Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Рамз: Включите эту картинку для отображения кода безопасности
Агар рамз ноаён бошад, он гоҳ пахш намоед
Рамзро ворид кунед: