Шаммаи чой ҳам ба кор меояд

Чой яке аз нӯшокиҳои серистеъмолтарини ҷаҳон аст. Ин нӯшокии муфидро дар рӯзгор низ метавон истифода кард.
Масалан, чой беҳтарин воситаи рафъкунандаи бӯй аст. Ин хосияти чойро метавон барои аз дастон дур кардани бӯи моҳӣ ва сир (чиснок) истифода бурд. Агар чойи хушбӯйро дар ҷайби нишастгоҳҳои дохили автомобил гузоред, боиси хушбӯй ва тоза шудани фазои дохили мошин мегардад. Бо ёрии шаммаи чойи истифодашуда метавон таровату ҷиллои либоси мӯинаи тиббиро баргардонд. Барои ин шаммаи намнокро ба болои либос баробар бипошед ва чанд дақиқа гузоред. Сипас, тавассути чуткаи намнок шаммаҳоро аз як тараф тоза кунед ва мебинед, ки мӯина ҷиллодор мешавад. Агар шумо аз шустушуи либосҳои синтетикӣ ҳассосият (аллергия) дошта бошед, пас шаммаи чой беҳтарин ашёи тозакунандаи зарарҳо хоҳед шуд. Ҳамчунин шаммаи чой равған ва доғҳоро аз оина, шиша, фарш (пол), мебели равғаннокардагӣ ба осонӣ дур мекунад.

Инчунин, чой хосияти рангкунӣ ҳам дорад. Масалан барои баланд кардани ранги матоъ ба 150 мл.оби ҷӯшомада, як қошуқи калон чойи сиёҳ андозед. Агар хоҳед, ки матоъ қаҳваранг шавад, дар ин сурат ба 150 мил.тр оби ҷӯшонида ду қошуқ чой андозед. Матоъро тунук карда, латтаи косашӯйиро (губка) ба он тар карда, баробар ба матоъ бимолед, баъди баробар ранг кардани матоъ онро офтоб кунед.
Ҳамчунин чойро метавон барои ранг кардани тухмҳо истифода кард. Баъзеҳо чойро ба сифати сиёҳранг кардани мӯйи сар низ истифода мебаранд. Барои ин чойи сиёҳ ва мармарак (шалфей)-ро омехта, шаби дароз гузоред. Баъди аз дока гузаронидан сарро бо он бишӯед. Дар сурати зарурат ин амалро чанд маротиба такрор намоед. Ҳамчунин чойи хушкшудаи нолозим беҳтарин ғизо барои гулу кабудиву сабзавот аст.
Саида Хоҷаева