Поси хотири шаҳидони Ҷанги Бузурги Ватанӣ

Бахшида ба Рӯзи Ғалаба ва бо мақсади ёдоварӣ аз рӯзҳои мудҳиши Ҷанги Бузурги Ватанӣ ва қаҳрамониҳои ҷанговарон, тарбия намудани ҷавондухтарону ҷавонписарон дар рӯҳияи ватандӯстӣ ва мардонагӣ бо ибтикори Кумитаи иҷроияи Ҳизби Халқии Демократии Тоҷикистон дар шаҳри Гулистон ва ташаббуси Ташкилоти ибтидоии «Маркази тарбиявӣ», намояндагони ТҶҶ «Созандагони Ватан» таҳти роҳбарии мудири шӯъбаи кор бо занон Муяссара Раҳимова ва мутахассиси пешбар оид ба таблиғот ва иттилоот Мадина Шодиева дар боғи «Шаҳидон» ҳафтаи «Поси хотир» ташкил карда шуд.
Ҷавонон дар назди ҳайкали «Шаҳидон» истода, корнамоиҳои собиқадорони Ҷанги Бузурги Ватаниро ба ёд оварданд.
Бо ҳисси баланди ватандорӣ ва ифтихори миллӣ зикр намуданд, ки бобоёни мо барои ҳимояи Ватан ҷонбозиҳои зиёде кардаанд. Мо, назди корнамоиҳои бемисли диловарони Ватан сари таъзим фуруд меорем. Қаҳрамониҳои иштирокчиёни Ҷанги Бузурги Ватанӣ мо, ҷавононро водор месозад, ки Ватанамонро бештар дӯст дорем ва барои ҳифзу ҳимояи он ҳамеша омода бошем.