Як василаи хуби ҷонноккунии фаъолият

Имрӯз, дар Кумитаи иҷроияи ҲХДТ дар н.Шоҳмансури ш. Душанбе бо тантана баъд аз таъмир ва муҷаҳазгардонӣ утоқҳо корӣ ба кормандон дарҳои худро боз намуд.
Чунончӣ аз раванди кушодашавии утоқҳои кории КИ ҲХДТ дар н. Шоҳмансури ш.Душанбе маълум гардид, пас аз таъмир ва замонавӣ гардонидани 8 утоқи корӣ, 15 нафар кормандони КИН дар байни 151 ташкилоти ибтидоии ҳизбии ноҳиявӣ, ки теъдоди 28 ҳазору 938 нафар аъзо доранд, фаъолияти худро ҷоннок мекунанд.
Зикр кардан зарур аст, ки базаи моддию техникии Кумитаи иҷроияи ноҳиявии ҳизб бо дастгирии узви Раёсати КИМ ҲХДТ, Раиси ш. Душанбе, Маҳмадсаид Убайдуллоев ва ҷалби сарпарастон мустаҳкам гардида, шароитҳои зарурии корӣ барои кормандон муҳайё гардидааст.
Бояд гуфт, ки Кумитаи иҷроияи ҲХДТ дар н. Шоҳмансури ш.Душанбе мутобиқи нақша-чорабиниҳо ҳамасола фаъол буда, ҳамоишҳои гуногуни фарҳангӣ-омӯзишӣ, конференсияҳои илмӣ-амалӣ ва суҳбату вохӯриҳои оммавӣ доир мекунад.
Ҳамзамон, тӯли сол, дар рӯзҳои идҳои ҷашнӣ ба оилаҳои камбизоат, маъюбон ва собиқадорони ҷангу меҳнат аз ҳисоби Кумитаи иҷроияи ҲХДТ дар н. Шоҳмансур кӯмакҳои моддӣ расонида мешавад. Аз ҷумла, дар давоми соли 2015 ба 24 нафар ятимони бе падару модар кӯмак расонида шудааст. Дар арафаи моҳи шарифи Рамазон бошад, ба 85 оилаи бесоробон бо маводҳои хӯроквории орд, равған, биринҷ таъмин карда шудаанд.
©hamsafon.tj