«Пешвои миллат – кафили сулҳу субот дар ҷомеа»

Аз ҷониби мақомоти олии қонунгузорӣ қабул гардидани Қонуни Ҷумҳурии Тоҷикистон «Дар бораи Асосгузори сулҳу ваҳдати миллӣ – Пешвои миллат» боиси хушнудии халқи Тоҷикистон гардид, зеро ин рисолати таърихии Сарвари муаззами мо Ҷаноби Олӣ, Муҳтарам Эмомалӣ Раҳмон буда, аз умқи дилу хоҳиши тоҷикистониён маъво гирифта буд. Маҳз ба ҳамин хотир буд, ки тибқи тавсияи Кумитаи иҷроияи марказии Ҳизби Халқии Демократии Тоҷикистон ва Кумитаи иҷроияи Ҳизби Халқии Демократии Тоҷикистон дар вилояти Суғд силсилаи мулоқоту суҳбатҳои фараҳбахш ба хотири чунин воқеаи таърихӣ бо қишрҳои гуногуни ҷомеа аз ҷониби ҳизбиёни ноҳияи Ғончӣ роҳандозӣ шуда истодаанд.

Яке аз чунин вохӯриҳо дар омӯзишгоҳи касбию техникии №64-и н.Ғончӣ баргузор гардид, ки дар он фаъолдухтарони ҳунаромӯз иштирок доштанд. Дар мулоқоти мазкур бобати қадамҳои устуворонаи таърихиву созандаи Пешвои миллат, ки ҳамнафас бо ғаму шодии миллат буд сардори муассисаи мазкур, ҳамсафи фаъоли мо Садриддин Ҳикматуллоев ба сухан баромад. Инчунин яке аз духтаракон ба сухан баромада, аз номи тамоми иштирокчиён қайд кард, ки эҳё ва омӯзиши ҳунарҳои миллӣ боз як ташаббус ва нишондоди хирадмандонаи Пешвои миллат баҳри арҷгузорӣ ба анъанаҳои миллӣ буда, яке аз имкониятҳои самарабахши бо шуғл таъмин намудани занону духтарон мебошад, ки аз ин бонувон шоданд.

Мавриди зикр аст, ки вохӯрӣ дар руҳияи шодмонӣ баргузор шуда, дар фароварди чорабинӣ ҳамагон фарзандвор ба Падари Миллат саломатию муваффақиятҳоро таманно намуданд.
©Кумитаи иҷроияи ҲХДТ дар ноҳияи Ғончӣ