Шумори бештари донишҷӯёни хориҷии Белорус шаҳрвандони Туркманистонанд17-08-2018, 09:02
Хабарро хонданд: 129 нафар
Назарҳо: 0
 Вазорати маорифи Белорус хабар дод, ки шумори донишҷӯёни хориҷӣ дар ин кишвар меафзояд. Ба иттилои расонаҳо, аз ҳама бештар сокинони Туркманистон барои таҳсил ба Белорус мераванд. Дар ҳамин ҳол, сокинони Чину Русия мақоми дувуму севумро ишғол мекунанд. Гуфта мешавад, дар ин кишвар шаҳрвандони бештар аз 100 давлат барои таҳсил меоянд. Дар соли ҷорӣ бештар аз 50 ҳазор донишҷӯ шомили донишгоҳҳои Белорус шуданд, ки нисфе аз онҳо шаҳрвандони ҳамин кишвар ҳастанд. Ба гуфтаи донишҷӯёни хориҷӣ, таъмини амният ва арзиши начандон гарони таҳсил онҳоро ба Белорус меорад. Мақомоти Белорус хабар доданд, ки дар соли таҳсили 2016-2017 шумори донишҷӯён аз Туркманистон 7 ҳазору 911 нафарро ташкил медод. Дар ҳоле ки ҷамъи донишҷӯёни хориҷӣ дар ин кишвар ҳамагӣ 15 ҳазору 126 нафар буд. Ҳамасола наздики 100 ҳазор хонанда мактабҳои миёнаи Туркманистонро хатм мекунанд. Донишгоҳҳои ин кишвар иқтидори қабули то 8 ҳазор довталабро доранд. |
Ҳамчунин нигаред ба:
Хонандаи азиз, ба сомона Шумо ҳамчун истифодабарандаи қайднагардида ворид гардидед. Аз ин рӯ, барои пайдо намудани имкониятҳои бештари сомона ба Шумо тавсия медиҳем, ки худро ба қайд гиред ва ё бо номи қайдшудаи худ вориди сомона гардед.
[/banner_right-3]
