ИМА омодааст, ба хотири Брансон зидди Туркия таҳримҳои нав эълом кунад17-08-2018, 08:58
Хабарро хонданд: 145 нафар
Назарҳо: 0
 Агар Анқара руҳонии амрикоӣ Эндрю Брансонро озод накунад, ИМА омодааст, зидди Туркия таҳримҳои иловагӣ эълом кунад. Ба иттилои Bloomberg, ин нуктаро вазири молияи Амрико Стивен Мнучин баён дошт. Брансон беш аз 20 сол буд, дар Туркия кору зиндагӣ мекард. Анқара ӯро ба даст доштан дар кӯшиши табаддулоти давлатии Туркия дар тобистони соли 2016 айбдор мекунад. Додситон барои руҳонӣ 35 соли зиндонро талаб дорад. ИМА ибтидои моҳи август зидди раҳбарони вазоратҳои умури дохилӣ ва адлияи Туркия таҳрим ҷорӣ кард. Ба гуфтаи Вашингтон, ин ду нафар дар таъқиби руҳонӣ даст доранд. Вуруди вазирони турк ба ИМА манъ шуд. Анқара низ посухи ҳамсон дод. Додгоҳ 15 август раҳоии Брансонро аз ҳабси хонагӣ рад кард. Вашингтон 10 август боҷи гумрукии оҳан ва алюминийи Туркияро афзоиш дод. Дар натиҷа қурби пули миллии ин кишвар то ба сатҳи рекордӣ поин рафта, аз аввали сол тақрибан 45 дарсад қурбашро аз даст дод. Президенти Туркия Раҷаб Эрдуғон бо таҳдиди манъи воридоти электроникаи амрикоӣ гуфт, "дӯстони дигар" меҷӯяд. |
Ҳамчунин нигаред ба:
Хонандаи азиз, ба сомона Шумо ҳамчун истифодабарандаи қайднагардида ворид гардидед. Аз ин рӯ, барои пайдо намудани имкониятҳои бештари сомона ба Шумо тавсия медиҳем, ки худро ба қайд гиред ва ё бо номи қайдшудаи худ вориди сомона гардед.
[/banner_right-3]
