Мизи мудаввар

Кумитаи иҷроияи ҲХДТ дар ноҳияи Синои шаҳри Душанбе дар доираи дастуру супоришҳои протоколии раиси Кумитаи иҷроияи ҲХДТ дар шаҳри Душанбе ва нақша – чорабиниҳои худ бо мақсади дар сатҳи олӣ таҷлил намудани ҷашни 27- умин солгарди Истиқлолияти давлатии Ҷумҳурии Тоҷикистон суҳбату вохӯриҳо, мизҳои мудаввар, аксияву ҳамоишҳо, чорабиниҳои сиёсӣ – фарҳангӣ ва соатҳои сиёсиро роҳандозӣ намудааст.
Дар ин замина имрӯз дар ташкилоти ибтидоии “Фаровон”-и ҶСК “Фаровон-К” таҳти унвонӣ “Тақвияти омодагиҳо ба ҷашни Истиқлолияти давлатии Ҷумҳурии Тоҷикистон” бо иштироки раиси ташкилоти ибтидоии ҳизбӣ – Муродалиев Абдурасул ва аъзоёни ҳизб соати сиёсӣ доир гардид.
А.Муродалиев, раиси ташкилоти ибтидои зимни чорабинӣ дар бораи омодагиҳо ва андешидани тадбирҳо ба ҷашни 27- умин солгарди Истиқлолияти давлатии Ҷумҳурии Тоҷикистон андешаронӣ намуда, аз ҷумла афзуд, ки Истиқлолият он вақт пойдору мустаҳкам мемонад, ки ҳар як сокини бонангу номуси кишвар баҳри корҳои ободонию созандагии Тоҷикистони соҳибистиқлол камари ҳиммат банданд.
Инчунин, аъзоёни ҳизб низ андешаҳои худро оид ба ҷашни таърихии Истиқлолияти давлатӣ ва нақши Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон, Раиси муаззами Ҳизби Халқии Демократии Тоҷикистон муҳтрам Эмомалӣ Раҳмон, байён намуданд.
Дар фарҷом раиси ташкилоти ибтидоии ҳизбӣ ҷиҳати дар сатҳи баланд ташкил намудани маъракаи сиёсии “Обуна - 2019” ба нашрияҳои ҳизбии “Минбари халқ” ва “Мароми пойтахт” андешаронӣ намуда, ба масъулин дастуру супоришҳо доданд.

Кумитаи иҷроияи ҲХДТ дар
ноҳияи Синои шаҳри Душанбе