Маҷлиси умумӣ дар ташкилоти ибтидоии ҳизбии “Шифобахш”-и Маркази саломатии шаҳрии №14

Имрӯзҳо Кумитаи иҷроияи ҲХДТ дар ноҳияи Синои шаҳри Душанбе дар доираи нақша - чорабиниҳо маҷлисҳои умумии ҳисоботиро дар кумитаву ташкилотҳои ибтидоии ҳизбӣ роҳандозӣ намудааст.
10 июли соли 2018 дар ташкилоти ибтидоии ҳизбии “Шифобахш”-и Маркази саломатии шаҳрии №14 бо иштироки муовини раис-роҳбари дастгоҳ - Мирзоев Носирҷон, мудири шуъбаи талиғот ва иттилооти Кумитаи иҷроияи ҲХДТ дар ноҳияи Синои шаҳри Душанбе - Муминов Абдумаҷид, директори Маркази саломатии шаҳрии №14, раиси ташкилоти ибтидоии ҳизбӣ ва аъзоёни раёсати ташкилоти ибтидоӣ, маҷлиси умумии ташкилоти ибтидоии ҳизбӣ баргузор гардид.
Зимни маҷлиси умумӣ ду масъала: “Дар бораи тасдиқи қарорҳои маҷлиси муассисони ташкилотҳои ибтидоии ҳизбӣ дар назди шуъбаҳои Марказ оид ба таъсиси ташкилотҳои ҲХДТ” ва “Дар бораи даъвати Конфренсияи якуми ташкилотҳои ҳизбии “Шифобахш”-и Маркази саломатии шаҳрии №14” баррасӣ гардид.

Дар ҷараёни маҷлис муовини раис-роҳбари дастгоҳи Кумитаи иҷроияи ҲХДТ дар ноҳияи Синои шаҳри Душанбе - Мирзоев Носирҷон дар бораи ҳадафҳои минбаъдаи Ҳизби Халқии Демократии Тоҷикистон ва ҷиҳати дар амал татбиқ намудани дастуру супоришҳои Асосгузори сулҳу ваҳдати миллӣ–Пешвои миллат, Раиси муаззами Ҳизби Халқии Демократии Тоҷикистон муҳтарам Эмомалї Раҳмон андешаронӣ намуд.

Ҳамзамон, дар фарҷом аз иқдоми ташкилоти ибтидоии ҳизбии “Шифобахш”- и Маркази саломатии шаҳрии №14 оид ба таъсиси Кумитаи иҷроияи ибтидоии ҳизбӣ истиқбол намуда, дар ин ҷода ба роҳбарияти Марказ ва ҳамзамон кулли аъзоёни ҳизб, ки дар ин иқдом саҳмгузор мебошанд, миннатдории роҳбарияти ҳизб дар ноҳияро расонид ва ба онҳо муваффақиятҳои беназирро таманно намуд.