Тоҷикистон яке аз кишварҳои дӯстдоштаи сайёҳони Россия гардид!28-03-2018, 09:00
Хабарро хонданд: 226 нафар
Назарҳо: 0
 ДУШАНБЕ, /АМИТ «Ховар»/. Агентии таҳлилии «ТурСтат»-и Россия аз рӯи натиҷаҳои соли 2017 раддабандии кишварҳои сайёҳии хориҷиро таҳия карда, кишварҳои барои сайёҳони Россия маъруфтарини сайёҳии хориҷиро дар соли 2017 муайян намуд. Ҷумҳурии Тоҷикистон ба феҳристи 50 кишвари хориҷии барои сайёҳони Россия маъруфтарин /ТОР-50/ ворид гардид. Бино ба маълумоти «ТурСтат», соли 2017 шумораи сафарҳои хориҷӣ аз Россия ба Тоҷикистон 116 ҳазорро ташкил дод, ки ин нишондод нисбат ба соли 2016 5 дарсад зиёд мебошад. Дар маҷмӯъ, соли гузашта сайёҳони рус тақрибан 40 миллион саёҳати хориҷӣ анҷом додаанд, ки ин нишондод нисбат ба соли 2016 25 дарсад зиёд мебошад. Кишвари маъруфтарини сайёҳии хориҷӣ барои сайёҳони рус соли 2017 Туркия гардид. Пас аз он Абхазия, Финландия, Қазоқистон, Украина, Чин, Эстония, Полша, Германия ва Таиланд қарор доранд. Ҷумҳурии Тоҷикистон ҷойи 40 ишғол карда, аз чунин кишварҳо, ба монанди Норвегия, Шведсия, Дания, Венгрия, Қатар, Белгия, Япония, Гонконг, Сингапур ва Малдив пеш гузаштааст. Дар раддабандӣ ҷойи охирро Португалия ишғол намудааст. |
Ҳамчунин нигаред ба:
Хонандаи азиз, ба сомона Шумо ҳамчун истифодабарандаи қайднагардида ворид гардидед. Аз ин рӯ, барои пайдо намудани имкониятҳои бештари сомона ба Шумо тавсия медиҳем, ки худро ба қайд гиред ва ё бо номи қайдшудаи худ вориди сомона гардед.
[/banner_right-3]
