Дар арафаи иди Наврӯз шаҳрвандони Тоҷикистон сарҳади давлатӣ бо Ӯзбекистонро метавонанд убур намоянд

ДУШАНБЕ :-АМИТ «Ховар»/. Шаҳрвандони Ҷумҳурии Тоҷикистон дар арафаи иди Наврӯз ва минбаъд тавассути гузаргоҳҳои сарҳадии Ҷумҳурии Тоҷикистон бо Ҷумҳурии Ӯзбекистон метавонанд сарҳади давлатиро убур намоянд.

Дар ин бора сардори маркази матбуоти Қӯшунҳои сарҳадии КДАМ Ҷумҳурии Тоҷикистон Муҳаммад Улуғхоҷаев ба хабарнигори АМИТ “Ховар” иттилоъ дод.

Тавре манбаъ хабар дод, барои убури сарҳади давлатӣ ҳуҷҷатҳои зерин зарур аст:

Шиносномаи дипломатии Ҷумҳурии Тоҷикистон (намунаи биометрӣ, то 1 феврали соли 2022), Шиносномаи хизматии Ҷумҳурии Тоҷикистон (намунаи биометрӣ, то 1 феврали соли 2022).

Шиносномаи хориҷии умумишаҳрвандии Ҷумҳурии Тоҷикистон (намунаи биометрӣ), Шиносномаи хориҷии Ҷумҳурии Тоҷикистон (то 1 феврали соли 2022) ва Шаҳодатнома барои бозгашт ба Ҷумҳурии Тоҷикистон.

Ҳамчунин ба маълумоти сокинони мамлакат мерасонем, ки дар Сарҳади давлатии Ҷумҳурии Тоҷикистон бо Ҷумҳурии Ӯзбекистон гузаргоҳҳои сарҳадии ҷонибҳо аз рӯи реҷаи зерин фаъолият менамоянд:

Гузаргоҳҳои автомобилии “Патар” (ноҳияи Конибодоми в. Суғди Ҷумҳурии Тоҷикистон) – “Андархон” (ноҳияи Бешариқи Ҷумҳурии Ӯзбекистон), “Байналмилалӣ”, “Фотеҳообод” (ноҳияи Мастчоҳи в. Суғди Ҷумҳурии Тоҷикистон) – “Ойбек” (ноҳияи Бекободи вилояти Тошканди Ҷумҳурии Ӯзбекистон), “Байналмилалӣ”, “Саразм” (шаҳри Панҷакенти в. Суғди Ҷумҳурии Тоҷикистон) – “Ҷартеппа” (ноҳияи Ургути вилояти Самарқанди Ҷумҳурии Ӯзбекистон), “Байналмилалӣ”, “Дӯстӣ” (шаҳри Турсунзодаи навоҳии тобеи маркази Ҷумҳурии Тоҷикистон) – “Сариосиё” (ноҳияи Узуни вилояти Сариосиёи Ҷумҳурии Ӯзбекистон), “Байналмилалӣ”, “Айвоҷ” (ноҳияи Шаҳритузи в. Хатлони Ҷумҳурии Тоҷикистон) – “Гулбаҳор” (ноҳияи Тирмизи вилояти Сурхондарёи Ҷумҳурии Ӯзбекистон), “Байналмилалӣ” бо низоми кории шабонарӯзӣ, “Равот” (ноҳияи Конибодоми в. Суғди Ҷумҳурии Тоҷикистон) – “Равот” (ноҳияи Бешариқи вилояти Фарғонаи Ҷумҳурии Ӯзбекистон), “Навбунёд” (ноҳияи Ашти в. Суғди Ҷумҳурии Тоҷикистон) – “Пап” (ноҳияи Папи вилояти Намангони Ҷумҳурии Ӯзбекистон), “Қуштегирмон” (ноҳияи Спитамени в. Суғди Ҷумҳурии Тоҷикистон) – “Платина” (ноҳияи Бекободи вилояти Тошкенти Ҷумҳурии Ӯзбекистон), “Зафаробод” (ноҳияи Зафарободи в. Суғди Ҷумҳурии Тоҷикистон) – “Хавостобод” (ноҳияи Хавости вилояти Сирдарёи Ҷумҳурии Ӯзбекистон), “Ҳаштияк” (ноҳияи Спитамени в. Суғди Ҷумҳурии Тоҷикистон) – “Хавостобод” (ноҳияи Хавости вилояти Сирдарёи Ҷумҳурии Ӯзбекистон), “Ҳавотоғ” (ноҳияи Зафарободи в. Суғди Ҷумҳурии Тоҷикистон) – “Учқурғон” (ноҳияи Замини вилояти Ҷиззахи Ҷумҳурии Ӯзбекистон), “Ӯротеппа” (ноҳияи Истаравшани в. Суғди Ҷумҳурии Тоҷикистон) – “Қушкент” (ноҳияи Замини вилояти Ҷиззахи Ҷумҳурии Ӯзбекистон) ба таври дуҷониба бо низоми кории рӯзона фаъолият мекунанд.

Гузаргоҳҳои роҳи оҳани “Нов” (ноҳияи Спитамени в. Суғди Ҷумҳурии Тоҷикистон) – “Бекобод” (ноҳияи Бекободи Ҷумҳурии Ӯзбекистон) “Байналмилалӣ”, “Истиқлол” (ноҳияи Конибодоми в. Суғди Ҷумҳурии Тоҷикистон) – “Андархон” (ноҳияи Бешариқи Ҷумҳурии Ӯзбекистон) “Байналмилалӣ”, “Пахтаобод” (шаҳри Турсунзодаи навоҳии тобеи маркази Ҷумҳурии Тоҷикистон) – “Узун” (ноҳияи Деҳнави Ҷумҳурии Ӯзбекистон) “Байналмилалӣ”, “Хошадӣ” (ноҳияи Шаҳритузи в. Хатлони Ҷумҳурии Тоҷикистон) – “Амузанг” (ноҳияи Тирмизи Ҷумҳурии Ӯзбекистон) ва “Байналмиллалӣ” бо низоми кории шабонарӯзӣ фаъолият мекунанд.