“Ватанпарвар”

Дар доираи нақша чорабиниҳои намояндагии ТҶҶ «Созандагони Ватан» бахшида ба 25- солагии таъсисёбии Қувваҳои мусаллаҳи Ҷумҳурии Тоҷикистон дар муассисаи таҳсилоти миёнаи умумии №53 чорабиниҳои фарҳангиву варзишӣ таҳти унвони “Ватанпарвар” байни хонандагони синфҳои болоӣ ташкил ва баргузор гардид.
Дар чорабинии мазкур Раиси Кумитаи иҷроияи ҲХДТ дар ноҳияи Деваштич Комрон Исмоилзода, собиқадори ҷангу меҳнат, омӯзгор Мақсуда Ёқубова, собиқадори ҷанги байналмиллал Ином Бобоҷонов, аъзои иттифоқи ҷамъиятии “Барқароркунандагони сохти Конститутсионӣ” Шералӣ Раҳимов ва сармутахассиси бахши кор бо ҷавонон ва варзиш Ҳамза Шоҳин иштирок ва суханронӣ намуданд.
Чорабинии мазкур аз рӯй панҷ шарт саволу ҷавоб, машқҳои ҳарбӣ, таёр намудани хуриш, шеъру суруд дар васфи Ватан Модар ва мавзӯи озод буд, ки ҳамаи хонандагон бо ҳисси баланди ватандӯстиву лаёқатмандӣ аз иҷрои чунин шартҳо баромаданд.
Дар ҷамъбасти чорабинӣ аз ҷониби шӯъбаи маориф ба ду нафар хонандагоне, ки дар олимпиадаи ноҳиявӣ ҷои аввалро ишғол намуданд бо Ифтихорнома, ба ғолибомадагони чорабиниҳои идона туҳфаҳои хотиравӣ ва аз ҷониби Кумитаи иҷроияи ҲХДТ ба ҷомеаи меҳнатии МТМУ №53 Ифтихорномаи Кумитаи иҷроияи Ҳизби Халқии Демократии Тоҷикистон дар ноҳияи Деваштич супорида шуд



роҳбари НТҶҶ “Созандогони Ватан” Сарвар Саидов
дар ноҳияи Деваштич