Дар Душанбе ярмаркаҳои доимии зимистона ташкил карда мешаванд7-02-2018, 07:42
Хабарро хонданд: 188 нафар
Назарҳо: 0
 ДУШАНБЕ, 06.02.2018 /АМИТ «Ховар»/. Бо мақсади пешгирии болоравии нархи маҳсулоти мавриди ниёзи аввал дар шаҳри Душанбе ярмаркаҳои доимии зимистона оид ба фурӯши маҳсулоти мавриди ниёзи аввал дар давраи зимистон ташкил карда мешаванд. Дар робита ба ин аз ҷониби Раиси шаҳри Душанбе Рустами Эмомалӣ қарори дахлдор ба тасвиб расид. Тавре аз Раёсати иттилоот ва робитаҳои хориҷии дастгоҳи Раиси шаҳри Душанбе ба АМИТ «Ховар» хабар доданд, тибқи қарори мазкур, Корхонаи воҳиди давлатии «Оид ба истеҳсол, харид, захира ва фурӯши маҳсулоти ниёзи аввалия дар шаҳри Душанбе» бояд дар даромадгоҳи асосии КВД «Бозори Деҳқон», даромадгоҳи асосии КВД «Бозори Саховат», майдончаи назди бозори «Қарияи боло»-и КВД «Оид ба истеҳсол, харид, захира ва фурӯши маҳсулоти ниёзи аввалия дар шаҳри Душанбе» ва майдончаи назди бозори «Ховарон» ярмаркаҳои доимии фурӯши маҳсулоти мавриди ниёзи аввал ташкил намояд. Тибқи қарори мазкур, раисони ноҳияҳои Шоҳмансур, Фирдавсӣ ва Синои шаҳри Душанбе уҳдадор шудаанд, ки ҷиҳати иҷрои банди мазкур мусоидат намуда, барои фароҳам овардани шароити фурӯш дар ҷойҳои муайяншуда тадбирҳои зарурӣ андешанд. |
Ҳамчунин нигаред ба:
Хонандаи азиз, ба сомона Шумо ҳамчун истифодабарандаи қайднагардида ворид гардидед. Аз ин рӯ, барои пайдо намудани имкониятҳои бештари сомона ба Шумо тавсия медиҳем, ки худро ба қайд гиред ва ё бо номи қайдшудаи худ вориди сомона гардед.
[/banner_right-3]
