Рустами Эмомалӣ ҷиҳати кушодани хатсайри нави мусофирбарии дохилишаҳрӣ қарор ба тасвиб расонид31-07-2017, 16:05
Хабарро хонданд: 350 нафар
Назарҳо: 0
 ДУШАНБЕ, 31.07.2017./АМИТ “Ховар”/. Имрӯз Раиси шаҳри Душанбе Рустами Эмомалӣ қарор ба тасвиб расонид, ки мутобиқи он хатсайри нави таҷрибавии мусофирбарӣ ҷиҳати ба ҳам пайвастани ду канори пойтахт боз хоҳад шуд. Дар ин бора ба АМИТ “Ховар” аз Раёсати иттилоот ва робитаҳои хориҷии дастгоҳи Раиси пойтахт хабар доданд. Тавре дар қарор омадааст, хатсайри нав бо мақсади таъмини сокинон ва меҳмонони шаҳри Душанбе бо хизматрасонии босифати мусофиркашонӣ, фароҳам овардани фазои мусоид барои рақобати солим дар бозори хизматрасонии нақлиётӣ кушода мешавад. Тибқи ин қарор, ояндаи наздик таҳти рақами 50 нақлиёти ҷамъиятӣ ба хизматрасонии мусофирон шуруъ мекунад ва қисмати ғарбии пойтахтро бо қисмати ҷанубии он ба ҳам мепайвандад. Хатсайри нави нақлиётӣ маҳаллаи Чоряккорон (самти Ҳисор)-ро бо терминали мусофирбарии ҶСП “Фароз” (самти шаҳри Қӯрғонтеппа) хоҳад пайваст. Раиси шаҳри Душанбе дастур дод, ки ҷиҳати интихоби субъекти хизматрасон дар хатсайри пилотии мазкур тендер доир карда шавад. |
Ҳамчунин нигаред ба:
Хонандаи азиз, ба сомона Шумо ҳамчун истифодабарандаи қайднагардида ворид гардидед. Аз ин рӯ, барои пайдо намудани имкониятҳои бештари сомона ба Шумо тавсия медиҳем, ки худро ба қайд гиред ва ё бо номи қайдшудаи худ вориди сомона гардед.
[/banner_right-3]
