Соати сиёсӣ

Масъулини Кумитаи иҷроияи ҲХДТ дар ноҳияи Фирдавсӣ ва ТҶҶ “Созандагони Ватан” ҷиҳати баррасии масъалаи муҳиму доғи ҷомеаи инсонӣ-зуҳуроти терроризму экстремизм ва ҳифзи арзишҳои миллӣ бо аъзои ташкилоти ибтидоии “Бофанда” соати сиёсӣ доир намуданд.
Масъулин зимни баромад таъкид карданд, ки амнияти давлатҳо зери хатар ва фарҳанги миллатҳо таҳти омилҳои манфӣ қарор дошта, ба мавҷудияти онҳо халал ворид мегардад. Ҷиҳати ҳифзи амният, арзишҳои милливу мазҳабӣ, анъанаву суннатҳои неки ниёгон зиракию бедории сиёсиву фарҳангиро бояд аз даст надиҳем. Мавҷудияти миллат иртибот дорад ба ин мафҳумҳои волову муқаддас. Дар шароити ҷаҳонишавӣ аз ҳар як ҷавон талаб карда мешавад, ки ба ҳар гуна ақидаву, сиёсатҳои ғайр, ки бар зарари манфиатҳои миллӣ мебошанд, фирефта нашуда, дар ақидаҳаву фарҳанги қадимбунёди хеш, ки садсолаҳо такмил ёфтаву озмуда шудаанд, устувор бошанд. Хиёнат ба ин мафҳумҳо хиёнат ба Ватан ва ба ниёгони хеш аст. Хиёнат амали ғайриинсонӣ ва нобахшиданист.
Дар мавриди вайроншавии оилаҳои ҷавон низ таъкид гардид, ки имрӯз ин раванд ҷомеаро нигарон карда, аз волидайн, устодон ва ҷавонон таваҷҷуҳ ва назари ҷиддӣ мехоҳад. Анъанаҳои неки оиладории тоҷикон, ки боиси омӯзишу ибрати бисёре аз халқияту миллатҳост, имрӯз коста гардидааст. Бояд назаре ба ҳаёту рӯзгори осоиштаи бобоёну падарони хеш дошта бошем ва аз ҳаёти онҳо дарсу ҳикмат бигирем.
Дар фарҷом ба 10 нафар кормандон, ки ба узвияти ҲХДТ шомил гардидаанд, шаҳодатномаи ҳизбӣ супурда шуд.