Натиҷагирӣ аз нӯҳмоҳи фаъолият дар Деваштич.

Дар ноҳияи Деваштич ҷамъбасти нӯҳмоҳаи соли 2017 бо иштироки намояндаи Мақомоти иҷроияи ҳокимияти давлатии вилояти Суғд Хайрулло Бобозода, муовинони раиси ноҳия, мудирони шӯъбаҳо ва бахшҳои мақомоти иҷроияи ҳокимияти давлатии ноҳия, кормандони мақомотҳои ҳифзи ҳуқуқи ноҳия, раисони ҷамоатҳои шаҳраку деҳот, роҳбарони ташкилоту корхона ва идораҳо, сарварони муассисаҳои таълимию тандурустӣ баргузор гардид.

Маҷлиси ҷамъбастиро Раиси ноҳия Рустам Ҷӯразода ифтитоҳ намуд. Муовини раиси ноҳия Ғиёсиддинзода Бунафша дар бораи рушди иқтисодӣ ва иҷтимоии ноҳияи Деваштич дар нӯҳмоҳи соли равон маърӯза кард. Қайд намуд, ки дар давраи ҳисоботӣ таъмини иҷроиши нақшаи воридоти андозҳои маҳаллӣ дар нӯҳмоҳи соли равон ба 100,1% ба иҷро расонида шуд. Маблағҳои батариқи субвенсия аз буҷети вилоятӣ ҷудошаванда 100% ворид гардид. Инчунин Раиси ноҳия Р.Ҷӯразода доири нобаробарӣ дар пардохти андоз, тамъмири роҳҳо, даъвати тирамоҳии ҳарбӣ, сари вақт гузаронидани кишти тирамоҳӣ ва омодагӣ ба зимистон аз шахсони масъул пурсон шуд. Дар ҷаласаи ҷамъбастии ноҳия намояндаи Ҳукумати вилоят аз дастовардҳо ҳарф зад, барои муҳассилин баҳри бартараф кардани камбудиҳои ҷойдошта ибрози ақида карда барои ҳаллӣ мусбии онҳо маслҳатҳои муфид дод.
Лоиқ Тӯйчиев н.Деваштич