Эмомалӣ Раҳмон – меъмори сулҳу Ваҳдат

Имрӯз тибқи нақша – чорабинии Кумитаи иҷроияи Ҳизби Халқии Демократии Тоҷикистон дар шаҳри Хуҷанд ва Ташкилоти ҷамъиятии ҷавонон «Созандагони Ватан» бахшида ба муносибати 25-умин солгарди Иҷлосияи 16-уми Шӯрои Олии Ҷумҳурии Тоҷикистон дар ташкилоти ибтидоии «Раҳим Ҷалил»-и Кумитаи иҷроияи ибтидоии Ҳизби Халқии Демократии Тоҷикистон дар назди Кумитаи маҳаллаи «М.Савр» филми ҳуҷҷатӣ бо номи «Эмомалӣ Раҳмон – меъмори сулҳу Ваҳдат» намоиш дода шуд, ки дар он роҳбари намояндагии ТҶҶ «Созандагони Ватан» Фирдавс Саидов ширкат варзида, ҳамаи иштирокдорони чорабиниро ба муносибати 25-умин солгарди Иҷлосияи 16-уми Шӯрои Олии Ҷумҳурии Тоҷикистон табрику муборакбод намуд.
Баъдан, филми ҳуҷҷатӣ бо номи «Эмомалӣ Раҳмон – меъмори сулҳу Ваҳдат» намоиш дода шуд.
Дар охир аз тарфаи комиссияи кор бо ҷавонони ташкилоти ибтидоӣ дар мавзӯи «Иҷлосияи 16-уми Шӯрои Олии Ҷумҳурии Тоҷикистон» маърӯза шунида шуд.
Чорабинии мазкур аз ҷониби раиси ташкилоти ибтидоӣ Зулфия Ашӯрова ҷамъбаст гардид ва ӯ миннатдории хешро ба кумиҷроияи шаҳрӣ оид ба ташкили чорабинӣ баён намуд. Ёдовар мешавем, ки тамошои филми ҳуҷҷатӣ ба ҳар як тамошобин бори дигар як таконеро ба вуҷуд овард, зеро хизматҳои шоёни Асосгузори сулҳу ваҳдати миллӣ- Пешвои миллат муҳтарам Эмомалӣ Раҳмонро бо чашми худ диданд. Иштирокчиёни чорабинӣ дар навбати худ баромад намуда зикр доштанд, ки дар пойдории сулҳу суботи кишвар ҳамеша ҷонфидоӣ карда, хизматҳои Пешвои миллатро ҳеҷгоҳ фаромӯш нахоҳанд кард.