“ХУРОФОТУ ЗОҲИРПАРАСТӢ АЗ ТАЪРИХИ ОИНИ ГУЗАШТАГОНИ МИЛЛАТИ ТОҶИК НЕСТ!”

Дар ҶДММ “Сафариён” бо иштироки вакили Маҷлиси намояндагони Маҷлиси Олии Ҷумҳурии Тоҷикистон – Саидов Ҷамшед Ҳамроқулович, муовини раиси ноҳияи Синои шаҳри Душанбе – Саидмуминзода Аббос, Раиси КИ ҲХДТ дар ноҳияи Синои шаҳри Душанбе – Файзуллозода Заррина, вакили Маҷлиси вакилони халқии шаҳри Душанбе – Саёрабеков Валиҷон, вакили Маҷлиси вакилони халқии ноҳияи Синои шаҳри Душанбе –Илвонова Қурбонгул мудирони шӯъба ва бахшҳои мақомоти ҳокимияти давлатии ноҳияи Синои шаҳри Душанбе вохӯрӣ баргузор гардид.
Зимни вохӯрӣ Саидов Ҷамшед Ҳамроқулович- вакили Маҷлиси намояндагони Маҷлиси Олии Ҷумҳурии Тоҷикистон вобаста ба масоили таъмини волоияти қонунгузории танзим, бедор намудани ҳисси худшиносиву худогоҳӣ, мубориза алайҳи ҳамагуна ақоиди хурофотиву бегонапарастӣ, фарҳанги оиладорӣ ва кӯмаку дастгирии ниёзмандон ибрози андешарони намуд ва ҳамагон даъват ба амла овард, ки риояи бечунучарои қонунҳои амалкунандаи Ҷумҳурии Тоҷикистон дар амал татбиқ намоянд.
Дар фарҷоми вохӯри сокинони маҳаллаҳо доир ба масъалаи матраҳгардида андешаҳояшонро иброз дошта, аз сиёсати пешгирифтаи Асосгузори сулҳу Ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дастгири намуданд.
КИ ҲХДТ дар ноҳияи Синои шаҳри Душанбе