ИНТИХОБОТ ИФОДАИ ОЛИИ ҲОКИМИЯТИ ХАЛҚ!

Мардуми тоҷик ҳанӯз соли 1994 дар санади олии ҳуқуқии худ Конститутсияи Ҷумҳурии Тоҷикистон халқро ҳамчун баёнгари соҳибихтиёрӣ ва сарчашмаи ягонаи ҳокимияти давлати эътироф намуда, онро бевосита ва ё ба воситаи вакилони худ амалӣ мегардонад, ки интихоботро ҳамчун ифодаи олии ҳокимияти халқ эътироф намудааст.

27 марти соли 2017 дар толори Муассисаи таҳсилоти миёнаи умумии №94-и ноҳияи Синои шаҳри Душанбе бо ҷалби интихобкунандагони шаҳракҳои №91 ва №92 ноҳия вохурӣ бо номзадҳо ва шахсони бовариноки онҳо ба вакилии Маҷиси вакилони халқи ноҳияи Синои шаҳри Душанбе аз ҳавзаи интихоботии №4 баргузор гардид, ки дар кори он Асозода Мусо раиси Комиссияи интихоботи №4 оид ба интихоботи вакили Маҷлиси вакилони халқи ноҳияи Синои шаҳри Душанбе, Файзуллозода Заррина- Раиси Кумитаи иҷроияи ҲХДТ дар ноҳияи Сино, ҳайати кормандони Кумита, номзадҳо ва шахсони боэътимоди онҳо ва дигар ашхоси расми иштирок намуданд.

Нахуст Асозода Мусо оид ба интихоботи вакили Маҷлиси вакилони халқӣ ноҳия ибрози назар намуда, номзадҳо ва шахсони бовариноки онҳоро ба интихобкунандагон муаррифӣ намуд.

Ҳамчунин мавсуф доир ба нақшу иштироки ҳар як интихобкунанда дар рӯзи баргузории интихобот таъкид намуда, иброз дошт, ки фаъолона иштирок намудан аз ҳар як интихобкунанда масъулияти ҷиддиро тақозо менамояд, зеро ӯ бо райъи худ ба ҷонибдории номзади арзандааш иродаи сиёсии худро ҳамчун иштирокчии равандҳои сиёси ҷомеа нишон медиҳад ва иродаи сиёсии худро бо райъаш месупорад ва дар қабули санадҳои муҳиму созандагӣ саҳмгузор мегардонад.

Дар идомаи вохурӣ бо интихобкунандагон номзадҳо ва шахсони бовариноки онҳо суханронӣ намуда доир ба накшаву самтҳои асосии барномаҳои пешазинтихоботии хеш ҳозиринро огоҳ намуданд.

Дар фарҷом дар фазои гуногунандешии сиёсӣ аз ҷониби интихобкунандагон саволу ҷавоб ва баромадҳои судманд доир гардид.