"РусГидро" даъвоҳои шарикони қирғизашро рад мекунад26-07-2017, 09:32
Хабарро хонданд: 160 нафар
Назарҳо: 0
 Ҷамъияти саҳҳомии кушодаи "РусГидро" 25 июл дар робита ба сохтмони силсила неругоҳҳои Норини болоӣ изҳорот пахш кард. Ширкат бар ин назар аст, ки нашри хабарҳо ва изҳори назарҳо аз ҷониби шарикони қирғизаш, ба вижа президенти Қирғизистон Алмосбек Отамбоев, раиси кумитаи давлатии саноату энержии ин кишвар Дуйшенбек Зилолиев ва дигар шахсони расмӣ нисбати "РусГидро" дар робита ба сохтмони силсила неругоҳҳои Норини болоӣ ғайри қобили қабул аст. "РусГидро" мегӯяд, ҳаргиз изҳор надоштааст, ки сохтмони неругоҳҳоро қатъ мекунад. Ба ҳамин далел, даъвоҳои ҷониби Қирғизистон, ки мегӯянд, ширкат уҳдадориҳояшро иҷро накард, комилан беасос аст. Президенти Қирғизистон Алмосбек Отамбоев 24 июл дар як нишасти хабарӣ гуфт, ки вай ва президенти Русия бовар ҳосил карданд, ки ширкати русӣ ният надошт, силсила неругоҳҳои Норини болоиро бунёд кунад ва ба сохтмони неругоҳи Қамбарота пардозад. Ҳукумати Русия ва ҳукумати Қирғизистон дар бораи сохтмони неругоҳҳо соли 2012 шартнома имзо карда буданд. Тибқи шартнома, ширкати "РусГидро" бояд неругоҳҳоро месохт. Аммо баъди қатъи корҳо дар соли 2015 Қирғизистон шартномаро бо Русия бекор кард. Дар робита ба ин Қирғизистон бояд 37 миллион доллар ба Русия пардозад. Пардохти ин маблағро ширкати чехии Liglass Trading CZ ба зима гирифт. Ширкати мазкур 10 неругоҳи хурд ва силсила неругоҳҳои Норини болоиро дар Қирғизистон месозад. |
Ҳамчунин нигаред ба:
Хонандаи азиз, ба сомона Шумо ҳамчун истифодабарандаи қайднагардида ворид гардидед. Аз ин рӯ, барои пайдо намудани имкониятҳои бештари сомона ба Шумо тавсия медиҳем, ки худро ба қайд гиред ва ё бо номи қайдшудаи худ вориди сомона гардед.
[/banner_right-3]
