ВАХДАТИ МИЛЛӢ РАМЗИ ЯГОНАГИСТ

Тибқи нақша-чорабинии Дастгоҳи иҷроияи Президенти Ҷумҳурии Тоҷикистон гурӯҳи таблиғотӣ ҷиҳати тарғибу ташвиқи «Соли Ҷавонон» ва ҷашни 20-солагии Ваҳдати миллӣ аз Ҳукумати Ҷумҳурии Тоҷикистон бо иштироки Лангари Ҷамила Салмон (Роҳбари гурӯҳ)-сардори Саридораи бойгонӣ Ҳукумати Ҷумҳурии Тоҷикистон, Назариев Рамазон-профессори Донишгоҳи давлатии омӯзгории Тоҷикистон ба номи Садриддин Айнӣ, Назуруллоев Маҳмадюсуф- директори бойгонии шаҳри Ваҳдат, Гулмуродзода Қумриниссо-раиси Кумитаи иҷроияи Ҳизби Халқии Демократии Тоҷикистон дар шаҳри Норак, Ҳасанзода Шаҳло Ҳасан- муовини Раиси шаҳри Норакдар якҷоягӣ бо гурӯҳи ситодҳои таблиғотии ҳизби шаҳрӣ, аъзоёни бахши намояндагии ҶҶ «Созандагони Ватан» дар толорҳои ташкилотҳои ибтидоии «Роҳбалад»,«Нурофарон» ва «Шифокорон» ҷамъ бо 556 нафар фаъолон, зиёиён ва ҷавонону занон кормандони корхонаю муассисаҳо, вохӯриҳо доир гардид.

Дар вохӯриҳо гурӯҳи таблиғотии Дастгоҳи иҷроияи Президенти Ҷумҳурии Тоҷикистон Лангари Ҷамила Салмон, Назариев Рамазон, Назуруллоев Маҳмадюсуф, Гулмуродзода Қумриниссо, Ҳасанзода Шаҳло дар мавзуҳои «Ваҳдати миллӣ рамзи ягонагист», «Ваҳдати миллӣ-кафили сулҳи Тоҷикистони азиз», «Саодати миллат аз Ваҳдат аст»,«Ваҳдати миллӣ, худшиносии миллии ҷавонон ва ифтихори ватандорӣ»,«Шукрона аз Ваҳдати миллӣ бояд кард» суханронӣ намуданд. Фаъолон аз ташкилотҳои ибтидоии ҳизбӣ баромад намуда ба мардуми ваҳдатофари шаҳри Норак баҳри 20 солагии ҷашни Ваҳдат таманиётҳои нек карда, ба гуруҳи корӣ барои дар сатҳи баланд ташкил намудани чунин вохӯриҳои судманд арзи сипосу миннатдорӣ намуданд.

Мудири шуъбаи таблиғот, иттилоот ва матбуоти КИШ ҲХДТ

С.Зоиров