Мулоқоти Пешвои миллат Эмомалӣ Раҳмон бо Сарвазири Ҷумҳурии Лубнон Саад Ҳарирӣ22-05-2017, 08:32
Хабарро хонданд: 195 нафар
Назарҳо: 0
 Нимаи дуюми рӯзи 21 майи соли 2017 дар шаҳри Риёз дар ҳошияи нахустин Саммити сарони давлатҳои олами арабӣ, исломӣ ва Иёлоти Муттаҳидаи Амрико Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Сарвазири Ҷумҳурии Лубнон Саад Ҳарирӣ мулоқот доир карданд. Дар мулоқот масоили вусъат додани робитаҳои судманди Тоҷикистону Ҷумҳурии Лубнон баррасӣ карда шуд. Зимни вохӯрӣ, ки хеле самимӣ ҷараён гирифт, ҷонибҳо омодагии худро барои тавсеаи ҳамкорӣ дар арсаҳои сиёсӣ, иқтисодӣ, иҷтимоӣ ва сайёҳию сармоягузорӣ, инчунин дигар бахшҳои барои ҳар ду ҷониб судовар иброз доштанд. Ҷонибҳо ҳамчунин масъалаҳои ҳамкорӣ дар самти муборизаи муштарак бар зидди терроризм, ифротгароӣ ва дигар масъалаҳои доғро, ки ба амнияти минтақа ва кишварҳо таҳдид мекунанд, муҳокима карданд. Дар ҷараёни мулоқот ҳамчунин дигар масъалаҳои барои ҳарду ҷониб судманд баррасӣ гардид. |
Ҳамчунин нигаред ба:
Хонандаи азиз, ба сомона Шумо ҳамчун истифодабарандаи қайднагардида ворид гардидед. Аз ин рӯ, барои пайдо намудани имкониятҳои бештари сомона ба Шумо тавсия медиҳем, ки худро ба қайд гиред ва ё бо номи қайдшудаи худ вориди сомона гардед.
[/banner_right-3]
