Бахшида ба рӯзи Артиши миллӣ

Панҷ. Рӯзи 22 феврали соли равон дар маркази ноҳияи Панҷ бо иқдоми бахши ҷавонон, варзиш ва сайёҳии ноҳия дар ҳамкорӣ бо ташкилоти ҷамъиятии ҷавонон «Созандагони Ватан», фаъолони ҲХДТ ҳамоиши бошукуҳе баргузор гардид. Садҳо нафар ҷавонон бо парчаму овезаҳои «Мо ҳомиёни ин Ватанем», «Ватан бо мост-мо бо Ватанем» ва монанди инҳо дар либосҳои низомӣӣ саф орохта, баъди чанде аз шоҳроҳи марказии нохия бо замзамаи сурудҳои ватандӯстиву ватанпарастӣ қадам заданд.
Дар ибтидо узви КИ ҲХДТ дар ноҳия, раиси ноҳия муҳтарам М.Сайфуддинзода баромад намуда, ҳозиринро ба ин иди мардонагиву шуҷоат табрик намуда, боварии хешро нисбат ба насли бунёдкору созандаи ҷавон, махсусан бо ҷавонони ватандӯсту меҳанпарвар изҳор намуд.
Дар охир аз ҷумлаи ҷавонон якчанд бозиҳои ҳарбӣ ва саҳнаҳои таҷасумгари ҳаёти ҳарбӣ-ватандӯстӣ буданд намоиш дода шуданд.
Бо кӯмаки мақомоти иҷроияи ҳокимияти давлатии ноҳия, соҳибкорони саховатманд ва фаъолони ҳизб ба қисмҳои ҳарбии дар ҳудуди ноҳиябуда тӯҳфаҳои идона ва маводҳои хӯрока тақдим карда шуданд.


КИ ҲХДТ дар ноҳияи Панҷ.