Аз зарбаи ҳавоии Русия се сарбози Туркия дар Сурия кушта шуданд10-02-2017, 10:55
Хабарро хонданд: 178 нафар
Назарҳо: 0
 Се сарбози Туркия аз бомбаафкании ҳавопаймоҳои Русия дар Сурия кушта ва 11 тани дигари онҳо захмӣ шудаанд. Ба навиштаи рӯзномаи Hurriyet Daily News, яке аз бомбаҳо ба хонае дар шаҳри ал-Боб фуруд омад, ки андарунаш сарбозони турк маскун буданд.Ситоди умумии Нерӯҳои мусаллаҳи Русия ин хабарро тасдиқ кард ва гуфт, бомбаафканҳои Русия дар наздикии шаҳри ал-Боб амалиёт анҷом медоданд ва тасодуфан ба иншооте зарба заданд, ки дар дохилаш сарбозони артиши Туркия буданд. Тарафи Русия изҳор дошт, ки ин ҳамла қасдан ба амал наомадааст. Президенти Русия Владимир Путин дар гуфтугӯи телефонӣ бо ҳамтои туркаш Раҷаб Эрдуғон дар робита ба ҳодиса изҳори таслият кард. Ба огаҳии дафтари матбуотии Кремл, тарафҳо ба хулосае омаданд, ки бояд амалиёти ҳарбии ҳамдигарро зидди ҷангиёни гурӯҳи тундрави "Давлати исломӣ" дар Сурия ҳамоҳанг кунанд. |
Ҳамчунин нигаред ба:
Хонандаи азиз, ба сомона Шумо ҳамчун истифодабарандаи қайднагардида ворид гардидед. Аз ин рӯ, барои пайдо намудани имкониятҳои бештари сомона ба Шумо тавсия медиҳем, ки худро ба қайд гиред ва ё бо номи қайдшудаи худ вориди сомона гардед.
[/banner_right-3]
