Вохӯрии гуруҳи таблиғотӣ бо истиқоматкунандагони маҳаллаи Дӯстии халқҳо

Чорабинии мазкур дар оғози соли нави хониши 2015-2016 баргузор гашта, дар сатҳи баланди омодагиҳо падару модарони хонандагони ин маҳалла фарзандони худро ба муассисаи таҳсилоти миёнаи умумии №5 гусел карданд. Узви КИ ҲХДТ дар в.Хатлон ва КИ ҲХДТ дар шаҳри Қӯрғонтеппа, муовини раиси шаҳр, вакили Маҷлиси вакилони халқи шаҳр С.Қосимова падару модаронро бо Қонуни Ҷумҳурии Тоҷикистон “Дар бораи масъулияти падару модар дар таълиму тарбияи фарзанд” шинос намуда, аз ҳозирин хоҳиш намуд, ки фарзандони худро беназорат намонанд ва алоқаи доимиро бо устодони муассисаҳои таълимӣ ба роҳ монанд. Дар баромади худ раиси Кумитаи иҷроияи ҲХДТ дар шаҳри Қӯрғонтеппа Т.Наҷидуллоев шаҳрвандонро бо Қонун “Дар бораи ҳизбҳои сиёсӣ” шинос намуда, дар охир Огоҳиномаи Вазорати адлияи Ҷумҳурии Тоҷикистонро нисбати амалҳои ғайриқонунии Ҳизби наҳзати исломии Тоҷикистон қироат намуд. Аз он ҷумла, қайд намуд, ки мутобиқи моддаи 20 Қонуни ҶТ “Дар бораи ҳизбҳои сиёсӣ” ҲНИТ огоҳ карда мешавад:
- Фаъолияти ғайриқонунии Ҳизби наҳзати исломии Тоҷикистонро, ки дар вайрон кардани талаботҳои Конститутсия (Сарқонуни) Ҷумҳурии Тоҷикистон, Қонуни Ҷумҳурии Тоҷикистон “Дар бораи ҳизбҳои сиёсӣ”, Қонуни Ҷумҳурии Тоҷикистон “Дар бораи озодии виҷдон ва иттиҳодияҳои динӣ” ва Оинномаи ҳизб зоҳир мегардад, қатъ намоянд.
©Кумитаи иҷроияи ҲХДТ дар в. Хатлон