Пирӯзӣ муборак, ихтирокорони наврас!19-10-2016, 10:31
Хабарро хонданд: 228 нафар
Назарҳо: 0
 Дар пойтахти кишварамон - шаҳри Душанбе бо ибтикори Вазорати рушди иқтисод ва савдои Ҷумҳурии Тоҷикистон, Маркази миллии патенту иттилоот ва Вазорати маориф ва илми Ҷумҳурии Тоҷикистон озмуни ҷумҳуриявии «Навоварону ихтирокорони наврас ва ҷавонон» баргузор гардид. Мавриди зикр аст, ки шарафи шаҳри Хуҷандро дар ин озмуни бонуфуз чаҳор нафар толибилмони лаёқатманд ҳимоя намуда, сазовори диплом гардиданд. Азиза Муродова ва Фаридун Шамсиев аз мактаби хусусии «Гулчини маърифат», Баҳодур Абдуллоев аз гимназияи №4 ва Манучеҳр Ғаюров аз мактаби №21 ихтирооти хешро пешниҳод ва дифоъ намуда, ба чунин дастоварди арзанда ноил гардиданд. Мутахассиси Маркази дарёфт ва рушди истеъдодҳои шуъбаи маорифи мақомоти иҷроияи ҳокимияти давлатии шаҳри Хуҷанд Абдурашид Очилов аз баргузории озмун ва натиҷаи назарраси толибилмони шаҳр изҳори қаноатмандӣ намуда, таъкид кард, ки мо ғолибонро самимона табрик мегӯем ва боварӣ дорем, ки онҳо дар озмунҳои минбаъада низ фаъолона иштирок карда, соҳиби мақомҳои ифтихорӣ мегарданд. |
Ҳамчунин нигаред ба:
Хонандаи азиз, ба сомона Шумо ҳамчун истифодабарандаи қайднагардида ворид гардидед. Аз ин рӯ, барои пайдо намудани имкониятҳои бештари сомона ба Шумо тавсия медиҳем, ки худро ба қайд гиред ва ё бо номи қайдшудаи худ вориди сомона гардед.
[/banner_right-3]
