ТАРҒИБИ АНЪАНАҲОИ МИЛЛӢ ТАВАССУТИ АКСИЯИ ҲИЗБӢ

Бо ташаббуси Кумитаи иҷроияи ҲХДТ дар шаҳри Кӯлоб бахшида ба 25-солагии Истиқлолияти давлатии Ҷумҳурии Тоҷикистон бо кормандони соҳаи тандурустӣ Аксияи ҳизбӣ таҳти унвони «Китоби «Шоҳнома»-и Абулқосим Фирдавсӣ ва китоби «Тоҷикон дар оинаи таърих»-и Асосгузори сулҳу ваҳдати миллӣ-Пешвои миллат муҳтарам Эмомалӣ Раҳмонро мехонем!» бо шукуҳу шаҳомати хоса таҷлил гардид.
Дар Аксия раиси Кумитаи иҷроияи ҲХДТ дар шаҳри Кӯлоб Саъбагул Валиева, ховаршинос Зафари Мирзоён, таърихшинос Шоинов Ҳасан, муовини сардори раёсати тандурустии вилояти Хатлон дар минтақаи Кӯлоб Раҷабзода Мирзоалӣ Миралӣ ва директории китобхонаи вилотии ба номи С. Айнӣ С. Обидов иштирок карда, вобаста ба мақсаду ҳадафи баргузории Аксия суханронӣ намуданд.
Вобаста ба шартҳои Аксия аз тарафи кормадони соҳаи тандурустӣ хондани порчаҳои шеърӣ аз китоби «Шоҳнома»-и ҳаким Фирдавсӣ, иқтибосҳо аз китоби «Тоҷикон дар оинаи таърих», хондани сурудҳо дар васфи модар, Ватан, ваҳдат, истиқлолият ва рақси миллӣ пешкаши аҳли толор гардида, аз тарафи ҳайати тадорукоти Аксия баҳои баланд дода шуд.