Обуна муташаккилона оғоз ёфт

Ситоди Кумитаи иҷроияи Ҳизби Халқии Демократии Тоҷикистон дар шаҳри Гулистон барои муташаккилона гузаронидани маъракаи “Обуна-2017” кӯшиш ба харҷ дода истодааст. Ин буд, ки то санаи 01.07.2016 обуна ба рӯзномаҳои ҳизбии «Минбари халқ» 13 нусха ва ба рӯзномаи «Сухани халқ» 31 нусха иҷро гардид.

Аввалин шуда нақшаи обунаро Кумитаи Иттифоқи касабаи Ширкати кӯҳии саноати Тоҷикистону Хитой иҷро намуда, ба миқдори 11 нусхагӣ ҳам ба рӯзномаи «Минбари халқ» ва ҳам ба рӯзномаи «Сухани халқ» обунаро ташкил намуданд. Раиси Кумитаи Иттифоқи касаба Салимзода Ҳоҷимуҳаммад Салимӣ сиёсати ҲХДТ-ро оиди пешбурди ҳамаи соҳаҳои кишвар, баланд бардоштани сатҳи маълумотнокии аҳолӣ ва пурра намудани фазои итттилоотии онҳо дуруст дарк мекунад ва барои он ҳамчун аъзои фаъоли ҳизб кӯшиш ба харҷ медиҳад. Обунаи шахсиро вакилони маҷлиси вакилони халқи шаҳр низ оғоз намуданд.