Мулоқот бо вакилон

Бо мақсади тарғибу ташвиқи қонунҳои ҷорӣ, баланд бардоштани ҳисси худогоҳӣ ва худшиносии миллӣ, дарки амиқи равандҳои замони муосир, иҷрои вазифаҳои вакилони шаҳрию вилоятӣ бо ташаббуси кумиҷроияи ҲХДТ ва мақомотҳои ҳифзи ҳуқуқ дар маҷлисгоҳи МИҲД мулоқот бо вакилони маҷлиси вакилони шаҳри доир гардид. Мудири шуъбаи ташкилии МИҲД аъзои фаъоли ҲХДТ Ализода А, Раиси кумиҷроияи ҲХДТ Бобоҷонов А иштирок ва баромад намуданд. Зикр карда шуд, ки дар Ҷумҳурии Тоҷикистон, дар баробари равнақу ривоҷ ёфтани суботу осоиштагӣ, таҳкими қонуният ва тартиботи ҳуқуқӣ, таъмин гардидани ҳифзи ҳуқуқу озодиҳои инсон ва шаҳрванд, омилҳое низ ба назар мерасанд, ки ба халалдор намудани амнияти миллии кишвар нигаронида шудааст, қайд кардан бамаврид аст, ки саҳми матбуоти даврӣ дар тарғибу ташвиқи ҳадафҳои ҳизб, огоҳӣ ёфтан аз навгониҳои ҳаёт, паҳн намудан ва омӯзиши таҷрибаи пешқадам ва огоҳӣ ёфтан аз вазъи имрӯзаи ҷаҳон хеле назаррас аст. Ҳамзамон оиди фаъолияти вакилони шаҳрӣ ва вилоятӣ дар Қабулгоҳи ҷамъиятии назди КИШ ҲХДТ маълумоти муфассал дода шуда, камбудиҳои ҷойдошта қайд гардид, минбаъд вакилон фаъолияти худро пурзӯр намуда, аз зиндагии интихобкунандагони худ бохабар бошанд, дар обод намудани диёри худ саҳми арзанда гузоранд ва ба иштирокдорон дастур дода шуд, ки чун ҳамешагӣ дар иҷрои саривақтии нақшаи обуна ба рӯзномаҳои ҳизбӣ барои соли 2017 ҳиссаи арзандаи худро гузоранд.