Мулоқот дар Куруш

Имрӯз, дар ҷамоати деҳоти Куруши ноҳияи Спитамен баҳри пешгирии гаравидани ҷавонону наврасон ба ҳизбу ҳаракатҳои ифротӣ ва ба бар гирифтани занону духтарон либосҳои бегона вохӯрӣ баргузор гардид, ки дар он бахши кор бо занони кумитаи иҷроияи ҲХДТ дар ноҳияи Спитамен Мамадҷонова Д, имомхатиби ноҳия Исмоилов Б., корманди МИХД и ноҳия Пиров П. ва зиёда аз 200 нафар занони хонашин, сокинони ҷамоати деҳоти Куруш иштирок доштанд.

Суханро имомхатиби ноҳия Исломов Б оғоз намуда, таъкид кард, ки вақтҳои охир баъзе ҷавонон ба ҷойи сайъу талоши фаъолона дар роҳи илму донишомӯзӣ, аз худ кардани касбу ҳунар ва ширкат дар корҳои ободониву созандагӣ ба амалҳои номатлубе даст зада истодаанд, ки гирифтани пеши роҳи ин раванди нангину хатарнок ва ба роҳи дуруст ҳидоят намудани наврасону ҷавонон, натанҳо вазифаи сохтору мақомоти давлатӣ, балки қарзи ҳар як фарди солимфикру огоҳ, падару модарон, аҳли зиё ва ҷавонони аз нигоҳи сиёсиву иҷтимоӣ устувор мебошад.

Баъдан Мамадҷонова оиди либосҳои бегона ба бар намудани занону духтарон сухан ронда, бештар гардонидани либоси миллии тоҷикиро, аз қабили атласу адрас тарғиб намуд.