Чорабиниҳои сиёсию фарҳангии «Созандагони Ватан» дар ноҳияи Фархор

ТҶҶ «Созандагони Ватан» дар ноҳияи Фархор дар ҳамбастагӣ бо шуъбаи рушди иҷтимоӣ ва робита бо ҷомеаи дастгоҳи раиси ноҳия, Кумитаи иҷроияи ҲХДТ дар ноҳия ва дигар бахшу шуъбаҳои мақомоти иҷроияи ҳокимияти давлатии ноҳия бахшида ба Рӯзи Ваҳдати миллӣ ва 25-умин солгарди Истиқлолияти давлатии Ҷумҳурии Тоҷикистон як қатор чорабиниҳои сиёсию фарҳангиро ташкил намуда, гузаронида истодаанд.

Аз ҷумла, дар деҳаҳои дурдасти ҷамоатҳои деҳоти ноҳия чорабиниҳои фарҳангию солимгардонӣ таҳти унвони «Корвони Ваҳдат» аз 7 июн то 21 июни соли ҷорӣ, дар маркази шаҳраки ноҳия чорабиниҳои оммавӣ-фарҳангӣ таҳти унвони «Шоми Ваҳдат» аз 7 июн то 26 июни соли ҷорӣ аз тарафи ташкилоту муассисаҳои ноҳиявӣ ва ҷамоатҳои шаҳраку деҳоти ноҳия рафта истодаанд.

Инчунин, озмуни фарҳангӣ-маърифатӣ таҳти унвони «Пайванди оила бо Ватан» бо ҷалби оилаҳои намунавии деҳот ва баргузории вохӯрию мулоқотҳо бо сокинони ҷамоатҳои деҳоти ноҳия дар мавзӯи «Саҳми Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар таҳкими сулҳу суботи сиёсӣ ва пойдории Ваҳдати миллӣ» аз 6 июн то 25 июни соли равон дар ҷамоатҳои деҳоти ноҳия рафта истодаанд.