Мулоқоти дастурдиҳӣ

Тибқи нақшаи чорабиниҳои моҳи майи соли равон бахшида ба Рӯзи ҷавонони Тоҷикистон ва рузи ҳифзи кӯдакон - 1 июн шуъбаи кор бо занон якҷоя бо Шурои духтарони Кумитаи иҷроияи Ҳизби Халқии Демократии Тоҷикистон дар вилояти Суғд бо дастпарварони мактаб-парваришгоҳи шаҳри Бустон мулоқоти дастурдиҳӣ баргузор намуд. Мақсад аз баргузории мулоқоти дастурдиҳии аъзои Шӯрои духтарон интарбияи дастпарварон, ҷалби онҳо ба забономӯзӣ ва илму касбомузӣ, инкишофи ҳисси ватандустӣ ва ифтихори миллӣ, шинос намудани онҳоаз ҳаёти донишҷуӣ, фаъолгардонӣва дуруст ба роҳ мондани нақша ва реҷаи корӣ, омодагиҳо ба раванди таҳсил дар донишгоҳ, риояи дуруст ва бемайлони қоидаҳои машғулиятҳои беруназдарсӣ иборат буд. Ҳамзамон, духтарони Шуро таҷрибаҳои худро оид ба дуруст истифодабарии воситаҳои алоқа, аз ҷумла телефонҳои мобилӣ, шабақаҳои интеретӣ баён намуда, қайд карданд, ки дар оянда бояд онҳо ҳамеша мақсаднок истифода бурда шаванд. Ҳамзамон, иштирокчиёни чорабинӣ мисолҳои мушаххасро оид ба ҳодисаҳои ҷинояткорӣ ва шомилшавии ҷавонон ба ҳизбу ҳаракатҳои тундравро баён намуда, ҷиҳати пешгирии ин падидаҳои номатлуб як қатор дастуру пешниҳодҳои тарбиявиро тавсия намуданд.