Қадршиносӣ12-05-2016, 15:00
Хабарро хонданд: 222 нафар
Назарҳо: 0
Солҳо мегузаранд, вале қаҳрамониву ҷонфидоии падарону бобоёни мо дар ҷанги зидди фашизм ҳеҷ гоҳ фаромӯш намешавад. Ҳаёти ибратомӯзи онҳо барои мо дарси нотакрори зиндагӣ мебошад.
Бо назардошти ин Кумитаи иҷроияи ҲХДТ дар ноҳияи Панҷ, намояндагии ташкилоти ҷамъиятии ҷавонон «Созандагони Ватан» ва Шӯрои собиқадорони ноҳия тибқи нақшаи чорабиниҳо дар ҳафтаи «Аёдат аз солмандон» бахшида ба 71-умин солгарди Иди Ғалаба бо собиқадорони ҷанг ва пирони барҷомонда, ки дар шаҳр зиндагонӣ мекунанд ба аёдати онҳо рафта, аз ҳолу аҳволи онҳо бохабар шуданд. Ба якчанд нафари онҳо кӯмакҳои пуливу молӣ расонида шуд. Дар навбати худ собиқадорони ҷанг аз корнамоиҳову ҷонфидоии худ дар Ҷанги Бузурги Ватанӣ бо шавқу завқи зиёд нақл намуда, изҳори миннатдорӣ намуданд. Дар ин кори хайр ташкилотҳои ибтидоии ҳизбӣ ва соҳибкорони ноҳия саҳмгузор мебошанд. |
Хонандаи азиз, ба сомона Шумо ҳамчун истифодабарандаи қайднагардида ворид гардидед. Аз ин рӯ, барои пайдо намудани имкониятҳои бештари сомона ба Шумо тавсия медиҳем, ки худро ба қайд гиред ва ё бо номи қайдшудаи худ вориди сомона гардед.