
Маҷлиси ҳисоботии Ташкилоти ҷамъиятии ҷавонон "Созандагони Ватан" дар шаҳри Турсунзода бо иштироки раиси Ташкилоти ҷамъиятии ҷавонон "Созандагони Ватан" Оятулло Аҳмадзода, раиси КИ ҲХДТ дар шаҳри Турсунзода Нурулло Ҳабибуллозода, муовини директори муассисаи давлатии Колеҷи тиббии шаҳри Турсунзода, Мавзуна Иброҳимова ва устодону донишҷӯёни ин муассиса баргузор гардид. Нахуст Осим Атоев вобаста ба самти ҷавонон ва нақши онҳо дар амалисозии ҳадафҳои созандаи ҲХДТ баромад кард.
Сипас раиси ТҶҶ "Созандагони Ватан", Аҳмадзода Оятулло оид ба самтҳои муҳими паёми Пешвои миллат, муҳтарам Эмомалӣ Раҳмон ибрози андеша намуд. Мавсуф зикр дошт, ки паёми навбатии Роҳбарияти олии кишвар ҳамчун дастур ва роҳнамо бояд дар кору фаъолияти ҳаррӯзаи мо мавриди амал қарор бигирад. Яке аз самтҳои муҳиме, ки дар паём таъкид шуд, ин ҷалб намудани ҷавонон ба илму ҳунаромузӣ ба ҳисоб меравад. Бо такя ба ин самт Пешвои миллат таъкид намуданд, ки ҷавонон бояд ҳамқадами замон бошанд ва аз омӯзиши илмҳои муосир бархурдор гарданд.
Як қатор масъалаҳои муҳими паёми Роҳбари давлат мавриди таҳлилу баррасии ҳозирин қарор гирифт. Дар охир ба якчанд ҷавонони фаъол сипоснома тақдим карда шуд.