Гардиши савдои хориҷии Тоҷикистон соли 2023 беш аз 8 миллиард долларро ташкил дод15-02-2024, 14:15
Хабарро хонданд: 153 нафар
Назарҳо: 0
 Гардиши савдои хориҷии Ҷумҳурии Тоҷикистон соли 2023 ба 8 миллиарду 314,5 миллион доллар баробар гардид, ки 863,6 миллион доллар ё 11,6 фоиз нисбат ба соли 2022 зиёд мебошад.Сардори Хадамоти гумруки назди Ҳукумати Ҷумҳурии Тоҷикистон Хуршед Каримзода 14 феврал дар ҷамъи хабарнигорони ватанию хориҷӣ дар Душанбе бо натиҷагирӣ аз фаъолияти мақомоти гумруки мамлакат дар соли 2023 гуфт, ки аз 8 миллиарду 314,5 миллион доллари гардиши савдои хориҷии мамлакат дар соли 2023 5 миллиарду 880,1 миллион долларро воридот ва 2 миллиарду 434,3 миллион долларро содирот ташкил медиҳад. Номбурда афзуд, ки воридоти мол соли 2023 нисбат ба соли 2022 (5 123,6 миллион доллар) 756,6 миллион доллар ё 14,8 фоиз зиёд шуда, содирот нисбат ба соли 2022 (2 327,3 миллион доллар) ба андозаи 107,0 миллион доллар ё 4,6 фоиз афзоиш ёфтааст. Ҳамзамон гуфта шуд, ки соли 2023 ба ҷумҳурӣ ба маблағи 94,9 миллион доллар ёрии башардӯстона ворид гардидааст, ки нисбат ба соли 2022 (124,1 миллион доллар) 29,2 миллион доллар ё 23,5 фоиз кам мебошад. |
Ҳамчунин нигаред ба:
Хонандаи азиз, ба сомона Шумо ҳамчун истифодабарандаи қайднагардида ворид гардидед. Аз ин рӯ, барои пайдо намудани имкониятҳои бештари сомона ба Шумо тавсия медиҳем, ки худро ба қайд гиред ва ё бо номи қайдшудаи худ вориди сомона гардед.
[/banner_right-3]
