ОБУ ҲАВО: Шабонарӯзи наздик дар минтақаҳои кӯҳии Тоҷикистон зуҳуроти селӣ пешгӯӣ мешавад Май 24, 2022 08:10

Май 24, 2022 08:10

ДУШАНБЕ, 24.05.2022 /АМИТ «Ховар»/. Имрӯз, 24 май дар ҷумҳурӣ ҳавои тағйирёбандаи асосан бебориш дар назар буда, ҳарорат ба 33 дараҷа мерасад, иттилоъ доданд дар Агентии обуҳавошиносии Тоҷикистон ба АМИТ «Ховар».

Ба иттилои Агентӣ, шабонарӯзи наздик дар минтақаҳои кӯҳӣ ва доманакӯҳии ноҳияҳои тобеи ҷумҳурӣ, вилояти Суғд ва ноҳияҳои доманакӯҳии вилояти Хатлон сар задани зуҳуроти селии дорои хусусияти маҳаллӣ пешгӯӣ мешавад.

Имрӯз дар Вилояти Мухтори Кӯҳистони Бадахшон ҳавои қисман абрноки асосан бебориш дар назар аст. Шамол аз самти ғарб бо гузариш ба шарқ бо суръати 4-9 метр дар як сония мевазад. Ҳаво дар ғарби вилоят шабона 8+13 дараҷа гарм, рӯзона 23+28 дараҷа гарм, дар шарқи вилоят шабона 3+2 ва рӯзона 10+15 дараҷа гарм мешавад.

Дар вилояти Суғд ҳавои камабри бебориш дар назар буда, дар ағбаҳо тормеғ мефарояд. Шамол аз самти ғарб бо гузариш ба шарқ бо суръати 4-9 метр дар як сония мевазад. Ҳаво дар водиҳо шабона 11+16 дараҷа гарм, рӯзона 27+32 дараҷа гарм, дар ноҳияҳои кӯҳӣ шабона 4+9 ва рӯзона 17+22 дараҷа гарм мешавад.

Дар вилояти Хатлон ҳавои ҳавои тағйирёбандаи асосан бебориш дар назар дошта шудааст. Шамол аз самти ғарб бо суръати 4-9 метр дар як сония мевазад. Ҳаво дар водиҳо шабона 15+20 дараҷа ва рӯзона 33+38 дараҷа гарм, дар доманакӯҳҳо шабона 10+15 дараҷа ва рӯзона 24+29 дараҷа гарм мешавад.

Дар шаҳру ноҳияҳои тобеи марказ ҳавои камабри бебориш дар назар буда, дар ағбаҳо тормеғ мефарояд. Шамол аз самти ғарб бо суръати 4-9 метр дар як сония мевазад. Ҳаво дар водиҳо шабона 10+15 дараҷа ва рӯзона 29+34 дараҷа гарм мешавад. Дар ноҳияҳои кӯҳӣ шабона 7+12 дараҷа ва рӯзона 23+28 дараҷа гарм мешавад.

Дар шаҳри Душанбе ҳавои камабри бебориш дар назар аст. Шамол аз самти ғарб бо суръати 4-9 метр дар як сония мевазад. Ҳаво шабона 12+14 дараҷа ва рӯзона 31+32 дараҷа гарм мешавад.