Модари сарбози "гумшуда" давлатро ба додгоҳ кашид4-03-2016, 13:00
Хабарро хонданд: 243 нафар
Назарҳо: 0
 Татяна Рей аз Кумитаи амнияти миллӣ, Идораи марзбонӣ ва Додситонии кулли Қазоқистон пардохти ҷубронпулии маънавӣ ба маблағи 370 миллион тангаро (беш аз як миллион доллар) талаб мекунад. Ба гуфтаи Серик Сарсенов, вакили дифои Татяна Рей, модари марзбон ин маблағро ба айби ниҳодҳои давлатӣ мутобиқ донист, ки "дар пайи бемасъулиятӣ ва беамалӣ, набудани назорати зарурӣ аз тарафи онҳо Денис Рей кушта шуд". Вакил зикр кард, силоҳи ҷангӣ, ки манбаи хатари афзуншаванда мебошад, ба давлат тааллуқ дорад ва ба ин сабаб масъулияти ҳуқуқӣ ва шаҳрвандии давлат дар сурати вуҷуди хатари зиёд новобаста аз айбаш татбиқ карда мешавад. 30 майи соли 2012 дар постгоҳи сӯхташудаи марзбонии "Арканкерген" дар марзи миёни Қазоқистон ва Чин ҷасади 14 марзбон ва ҷангалбон пайдо карда шуданд. Ҷасади Денис Рей ва Мейрхан Именов, марзбони дигар пайдо карда нашуданд ва онҳо нопадидшуда дониста мешаванд. Дар моҳи декабри соли 2012 Владислав Челах, танҳо марзбони зиндамонда бо айби қатли ом дар "Арканкерген" ба ҳукми абад маҳкум шуд. |
Ҳамчунин нигаред ба:
Хонандаи азиз, ба сомона Шумо ҳамчун истифодабарандаи қайднагардида ворид гардидед. Аз ин рӯ, барои пайдо намудани имкониятҳои бештари сомона ба Шумо тавсия медиҳем, ки худро ба қайд гиред ва ё бо номи қайдшудаи худ вориди сомона гардед.
[/banner_right-3]
