DataLife Engine > Варзиш > Дастаи “Истиқлол”-и Душанбе дар бозии даври 1/8-ниҳоии Лигаи қаҳрамонҳои AFC (Конфедератсияи футболи Осиё)-2021 аз тими “Персеполис”-и Эрон бо ҳисоби 0:1 мағлуб шуд.

Дастаи “Истиқлол”-и Душанбе дар бозии даври 1/8-ниҳоии Лигаи қаҳрамонҳои AFC (Конфедератсияи футболи Осиё)-2021 аз тими “Персеполис”-и Эрон бо ҳисоби 0:1 мағлуб шуд.


17-09-2021, 08:32. Разместил: orifi Дастаи “Истиқлол”-и Душанбе дар бозии даври 1/8-ниҳоии Лигаи қаҳрамонҳои AFC (Конфедератсияи футболи Осиё)-2021 аз тими “Персеполис”-и Эрон бо ҳисоби 0:1 мағлуб шуд.
Бо ҳамин “Истиқлол” аз ҳаққи гузаштан ба даври чорякфинал ва идомаи рақобат маҳрум гашт.
Ягона голро дар дақиқаи 90-ум бозигари меҳмонон Меҳдӣ Туробӣ вориди дарвозаи дастаи душанбегӣ намуд.
Ин бозӣ шаби 14-уми сентябр дар шаҳри Душанбе, дар Варзишгоҳи марказии ҷумҳуриявӣ, бо ҳузури беш аз 17 ҳазор тамошобин баргузор шуд.
Ҳайати дастаҳо чунин буд:
“Истиқлол”: Муҳриддин Ҳасанов, Ваҳдат Ҳанонов, Алексей Ларин, Зоир Ҷӯрабоев, Манучеҳр Сафаров, Алишер Ҷалилов (капитан), Амирбек Ҷӯрабоев, Ислом Зоиров, Аҳтам Назаров (Шервонӣ Мабатшоев, 87), Манучеҳр Ҷалилов, Рустам Соиров.
Иҷрокунандаи вазифаи сармураббӣ: Мубин Эргашев (Тоҷикистон).
Сармураббӣ: Яҳё Гулмуҳаммадӣ (Эрон)
Огоҳӣ гирифтанд: Фаршод Фараҷӣ, Воҳид Сарлак (ҳарду аз “Персеполис”), Манучеҳр Сафаров (“Истиқлол”).
Ҳимоягари “Истиқлол”, легионери украинӣ Андрей Мишенко, бо сабаби гирифтани корти зиёдатӣ дар сабқати гурӯҳӣ ва дарвозабони асосӣ Рустам Ятимов ба иллати осеб дидан ширкат карда натавонистанд.
Бозии “Истиқлол” ва “Персеполис”-ро доварон аз Ҷопон бо раҳбарии Ҳироюки Кимура доварӣ карданд.
Вернуться назад